नयाँदिल्ली– मोदी सरनेम (मोदी थर)सम्बन्धी मानहानीको मुद्दामा भारतीय कांग्रेसका नेता राहुल गान्धीले राहत पाएका छन्। भारतको सर्वोच्च अदालतले शुक्रबार गरेको फैसलामा उनलाई यसअघि दिइएको सजायमा रोक लगाउन आदेश गरिएको छ।
ट्रायल जजले बिना पर्याप्त कारण र आधार २ वर्षको अधिकतम् सजाय दिएको पनि सर्वोच्च अदालतको ठहर छ। यद्यपि सर्वोच्चले यस्तो विषयमा टिप्पणी गर्दा सचेत रहन भनेर राहुलका नाममा पनि निर्देशनात्मक आदेश दिएको छ।
सर्वोच्च अदालतका वरिष्ठ वकिल केसी कौशिकले भने, ‘अदालतले सजायमा रोक लगाइदिएको छ। सवैभन्दा महत्त्वपूर्ण कुरा यो कुनै व्यक्तिको मामला नभइ जसले राहुल गान्धीलाई जिताएर संसद्मा पठाए, उनीहरुको अधिकारको समेत हनन भएको थियो।’
राहुलका सन्दर्भमा सर्वोच्च अदालतले गरेको आदेशलाई भारतीय कांग्रेसले ‘घृणाका विरुद्ध प्रेमको जित’ भनेको छ।
सन् २०१९ मा कर्नाटकमा आयोजित एक चुनावी र्यालीमा राहुलले ‘सभी चोर का सरनेम मोदी क्यों?’ (सबै चोरहरुको थर मोदी किन?) भन्ने अभिव्यक्ति दिएका थिए। उनले त्यसक्रममा बैंक घोटाला गरेर फरार रहेका भनिएका नीरव मोदी, ललित मोदी र प्रधानमन्त्री नरेन्द्र मोदीको नाम लिएका थिए।
उनको उक्त अभिव्यक्तिलाई लिएर अदालतमा मानहानीको मुद्दा परेको थियो। उक्त मुद्दामा गुजराजत सुरत जिल्ला अदालतले मोदीविरुद्ध २ वर्षको कैद सजाय सुनाएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
