काठमाडौं- दोलखाको गौरीशंकर गाउँपालिकामा पहिरोले घर पुरिँदा हराएका चार जनामध्ये एक जनाको शव फेला परेको छ। तीन वर्षीय बालक प्रिन्स थामीको शव फेला परेको प्रहरीले जनाएको छ।
पहिरोमा अझै तीन जना बेपत्ता छन्। पहिरोमा पुरिएर स्थानीय कृष्णबहादुर मगर, उनकी श्रीमती देव मगर र हरिलाल श्रेष्ठ बेपत्ता भएका हुन्।
बुधबार रातिदेखि अविरल वर्षासँगै गौरीशङ्कर–८ मा गएको पहिरोले वडा नम्बर ७ को टोपाटारमा अत्यधिक क्षति पुर्याएको प्रमुख जिल्ला अधिकारी कमलप्रसाद धमलाले जानकारी दिए।
बिहीबार साँझ खसेको पहिरोले ५ घर पुरेको छ। पहिरोमा पुरिएकाहरुको सुरक्षाकर्मी र स्थानीयबासीले खोजी गरिरहेको गौरीशंकर गाउँपालिका- ७ वडाध्यक्ष दावा शेर्पाले जानकारी दिएका छन्।
पहिरोमा पुरिएका तीन जनाको उद्धार गरिएको छ। घाइतेलाई हेलिकोप्टरमार्फत काठमाडौं ल्याउने तयारी भइरहेको बताइएको छ।
पहिरोबाट अन्य १६ वटा घर जोखिममा छन्। सल्लेको पहिरोले केही तल रहेको टोपाटार गाउँमा पनि ३ घर पुरिएको वडाध्यक्ष शेर्पाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
