ओलीको अभिव्यक्तिप्रति महेश आचार्यको आपत्ति- इतिहासको अध्ययन र समझ नभएको व्यक्तिको द्वेषपूर्ण टिप्पणी

राजनीति

नेपाल लाइभ शुक्रबार, साउन १९, २०८० ०६:४३

काठमाडौं- नेपाली कांग्रेसका नेता एवं पूर्वमन्त्री महेश आचार्यले बीपी कोइरालाले अबलम्वन गरेको राष्ट्रिय एकता र मेलमिलापको नीतिप्रति नेकपा एमालेका अध्यक्ष केपी शर्मा ओलीले दिएको अभिव्यक्ति पूर्वाग्रहप्रेरित र भ्रामक भएको टिप्पणी गरेका छन्। सामाजिक सञ्जालमा लेख्ने आचार्यले यस्तो टिप्पणी गरेका हुन्।

एमाले अध्यक्ष केपी ओलीले स्व. तुलसीलाल अमात्यको स्मृति दिवस समारोहमा बिहीबार देशभक्त शक्तिका विरुद्ध लागेर बीपीले राजासँगको आफ्नो मेललाई राष्ट्रिय मेलमिलाप भनेको अभिव्यक्ति दिएका थिए। कांग्रेस नेता आचार्यले ओलीको उक्त भनाइलाई पूर्वाग्रहप्रेरित, झुटो र इतिहासको अध्ययन र समझ नभएको व्यक्तिको द्वेषपूर्ण टिप्पणी भनेका छन्।

आचार्यले लेखेका छन्, ‘ओलीजीले मेलमिलापको आह्वान राजासामु आत्मसमर्पण र कम्युनिष्ट विरोधी रहेको भनी दिनुभएको अभिव्यक्ति भ्रामक छ र त्यसैले खण्डनयोग्य छ।’

आचार्यले भनेका छन्, ‘२०३३ साल पुस १६ गते बीपी-गणेशमानजी लगायतका नेताहरुले ८ वर्षको निर्वासन त्यागी नेपाल फर्कंदा कांग्रेस सभापतिको हैसियतले बीपीले देशबासीका नाममा जारी गर्नुभएको अपिलमा देशमा गहिरिँदै गएको राष्ट्रिय संकट र यस्तो संकट आउनुको मुख्य कारण राष्ट्रिय एकताको अभाव रहेको र जसले गर्दा नेपालमा विदेशी तत्वहरु कुचक्र चलाउन र नेपाललाई अन्तर्राष्ट्रिय षडयन्त्रको अखडा बनाउन लागेको गम्भीर विषयलाई देशबासीका सामु राख्नुभएको थियो।’

दक्षिण एसियामा भइरहेक हलचलको पृष्ठभूमि बुझेर देशलाई विदेशी षडयन्त्रबाट जोगाउन राष्ट्रका सबै शक्तिका बीच एकता र मेलमिलापको लागि बीपीले गरेको आह्वानलाई आत्मसमर्पण र कम्युनिष्ट विरोध देख्नु ओलीजीको हतासा र पूर्वाग्रह भएको उनले उल्लेख गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दैलेखबाट सुर्खेत आउँदै गरेको फोर्स गाडी दुर्घटना, १३ जना घाइते

घाटामा रहेका खानेपानी संस्थानलाई नाफामा ल्याएरै छोड्छौँ – मन्त्री यादव

सकियो महाकुम्भ मेला, मेलास्थलको भिँड भने एक हप्ता पछि सम्म जारी रहने