चीनमा १४० वर्षयताकै भीषण वर्षा, १३ करोड नागरिक प्रभावित

विश्व

नेपाल लाइभ बिहीबार, साउन १८, २०८० १५:१२

बेइजिङ- चीनको राजधानी बेइजिङ र छिमेकी प्रान्त हेबेईमा आएको १४० वर्षयताकै भीषण वर्षाका कारण जनजीवन प्रभावित बनेको छ। वर्षापछिको बाढी र पहिरोमा परी कम्तिमा २१ जनाको मृत्यु भएको छ।

पछिल्ला केही दिनयता हेबेई प्रान्तमा भीषण वर्षा भइरहेको छ। उत्तरी चीनको हेबेई प्रान्तको बाढी प्रभावित शहरमा १ हजारभन्दा बढी उद्धार टोलीले उद्धारका कार्य गरिरहेका छन्। सहरको पूर्वी भागमा भने स्थिति सामान्य सुधार भएको तर पश्चिमी भागहरूमा बाढी जारी रहेको छ।

शनिवार बिहान ८ बजेदेखि मंगलबार बिहान ११ बजेसम्म झुओझोउमा औसत वर्षा ३ सय ५५ दशमलव १ मिलिमिटर पुग्नेगरी भारी वर्षा भएको स्थानीय अधिकारीहरूले बताएका छन्। बेइजिङ मौसम विज्ञान विभागका अनुसार आँधीसहित चाङपिङको वाङ्जियायुआन जलाशय आसपासको क्षेत्रमा ७४४ दशमलव ८ मिलिमिटर वर्षा भएको थियो।

सन् १८९१ मा उक्त क्षेत्रमा ६०९ मिलिमिटर पानी परेको थियो। चीनको राजधानी र आसपासका क्षेत्रमा शनिबारदेखिको मुसलधारे वर्षाबाट १३ करोड चिनियाँ प्रभावित भएका छन् भने राजधानी बेइजिङ र छिमेकी हेबेई प्रान्तमा ९ लाख ७४ हजार ४ सय जना विस्थापित भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अधिकारको नाममा नागरिकमाथि गोली प्रहार गर्नु माओवादीको चरम कायरता हो : कृष्णप्रसाद सिटौला

भारतमा कोरोना संक्रमित बढ्दै , यस्ता छन् पुरानो भेरियन्टसँग मिल्दोजुल्दो लक्षणहरू

नागढुङ्गा–नौबिसे सडक दैनिक साढे चार घण्टा बन्द हुने