काठमाडौं- विद्युत छिनमा आउने र छिनमै जाने समस्याले उदयपुरको कटारी नगरपालिकामा बासिन्दा हैरान भएका छन्। एकैदिन दर्जनौंपटक विद्युत आउने र जाने समस्याले नगरका सेवाग्राही मारमा परेपछि कटारीका मेयर राजेशचन्द्र श्रेष्ठले नेपाल विद्युत प्राधिकरणका प्रमुख कुलमान घिसिङलाई भेटेका छन्।
झ्याप्प आउने र झ्याप्प जाने विद्युतले विद्युतीय उपकरणमा क्षति पुगेको र नियमित काम गर्न नसकिएको सेवाग्राहीको गुनासो आएपछि मेयर श्रेष्ठले समस्या समाधान गरिदिन प्राधिकरणका प्रमुख कुलमान घिसिङसमक्ष अनुरोध गरेका छन्। दिनमा दर्जनौंपटक विद्युत जाने र आउने समस्याका विषयमा स्थानीयले चासो दिए पछि मेयर श्रेष्ठले प्राधिकरण प्रमुखलाई भेटेका हुन्।
बुधबार प्राधिकरण प्रमुख घिसिङलाई मेयर श्रेष्ठसहित कटारी ७ का वडाअध्यक्ष सुबिन ढुंगानाले विद्युत नियमित गराउन, कटारीमा १३२ केभिको सबस्टेशन राखिदिन र कटारी उप शाखालाई वितरण केन्द्र बनाउन ध्यानाकर्षण गराएका छन्। टोलीले छिनछिनमा विद्युत अवरुद्ध हुँदा स्थानिय जनताले सास्ती खेप्नु परेको भन्दै तत्काल समस्या समाधान गरिदिन समेत अनुरोध गरेका थिए ।
हावाहुरीका कारण पोल तथा तार छोएका बाँस तथा रुखको हाँगो पन्छाउने, मेन लाईनमा समस्या हुँदा पटकपटक लाइन काट्नु परेको विद्युत प्राधिकरण कटारी उपशाखा प्रमुख सन्तोष कार्कीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768546075.png)
-1764146706.png)
-1768395492.png)
