काठमाडौं–कोशी प्रदेशका नवनियुक्त मुख्यमन्त्री उद्धव थापाले पद तथा गोपनीयताको सपथ ग्रहण गरेका छन्। मुख्यमन्त्री थापाले प्रदेश प्रमुख पर्शुराम खापुङसमक्ष पद तथा गोपनीयताको सपथ ग्रहण गरेका हुन्।
बिहान ७ बजे शपथ ग्रहण गर्ने भनिए पनि माओवादीले सरकारमा पठाउने मन्त्रीका बारेमा टुंगो लगाउन नसक्दा शपथ रोकिएको थियो। सरकारमा सहभागी सबै दलबाट एक/एक जना मन्त्रीसहित आफूले पनि शपथ लिने तयारी मुख्यमन्त्री थापाले गरेका थिए।
तर प्रधानमन्त्री पुष्पकमल दाहाल प्रचण्डका ज्वाइँ जीवन आचार्यका कारण शपथ रोकिएको थियो। सरकार गठनका लागि सभामुख पदबाट राजीनामा दिएर बहुमत जुटाइदिन सहयोग गरेका माओवादीका बाबुराम गौतमलाई मन्त्री बनाउने भने पनि आर्थिक योजना मन्त्री आफू हुनुपर्ने भन्दै आचार्यले विरोध जनाएका थिए।
तर अन्तत: उक्त मन्त्रालय गौतमले नै पाएका छन्। गौतमलाई नै आर्थिक योजना मन्त्रीमा पठाउने सहमति माओवादीभित्र भएपछि मुख्यमन्त्री थापाले शपथ ग्रहरण गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779193203.png)
-1764146706.png)
