सरकार दिनको क्विन्टल सुन तस्करी गराउँछ, विदेश बसेर श्रमिकले ल्याएको सिक्री खोस्छ : ओली

राजनीति

नेपाल लाइभ बुधबार, साउन १७, २०८० १७:२१

काठमाडौं- नेकपा एमालेका अध्यक्ष केपी शर्मा ओलीले सरकार आफै सुन तस्करीमा मुछिएको आरोप लगाएका छन्। २६ औँ स्मृति दिवसका अवसरमा बुधबार एमाले पार्टी कार्यालय च्यासलमा आयोजित कार्यक्रममा उनले उच्चस्तरीय छानबिन समिति बनाउन माग गर्दै आफै मुछिएकाले समिति बनाउन नमानेको बताए।

मजदुरी गर्न विदेश गएका श्रमिकले १० वर्षपछि आमालाई ल्याइदिएको सिक्री एयरपोर्टबाटै खोसेर लाने सरकारले दिनको क्विन्टल सुन तस्करी गराइरहेको उनको भनाइ थियो।

'मजदुरी गर्न विदेश गएको एक सर्वसाधारण १० वर्ष पछि घर फर्किँदा आमालाई ल्याएको सिक्री एयरपोर्टबाट खोसेर लान्छ सरकार। तर दिनको क्विन्टल सुन तस्करी गराउँछ यो सरकारले,' उनले प्रश्न गरे, 'कसले गराउँछ यो? किन बसेको त त्यहाँ?तनखा खुवाएर किन मान्छे राखेको?’

सरकार आफै तस्करीमा मुछिएकाले उच्चस्तरीय छानबिन समिति बनाउन नमानेको आरोप उनले लगाए।

‘किन मान्दैन सरकार? हामी छानबिन गर्दैछौँ भन्छ। उहाँहरु आफै मुछिनुभएको छ,' उनले भने, 'त्यो सिग्रेटमा ल्याएको साढे नौ किलो सुन जफत गरेर राखिएको थियो, तर गोदामबाटै हरायो भनेर अहिले सुन्छु।'

उनले सत्ता साझेदार दल नेपाली कांग्रेसका सभापति शेरबहादुर देउवालाई सुन काण्डबारे किन मौन भनेर पनि प्रश्न गरे। ‘म नेपाली कांग्रेसका सभापति शेरबहादुर देउवाजीलाई भन्न चाहन्छु। देउवाजी तपाईँले क्विन्टल-क्विन्टल सुन तस्करी भएको सुन्नु भएको छ कि छैन?,' उनले प्रश्न गरे।

आफू सरकारमा हुँदा कोरोनाको बेला पनि देश तहसनहस हुन नदिएको तर अहिले १० टाउके भएर सरकार चलाउँदा पनि चलाउन नसकेको उनको भनाइ थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक

रास्वपाद्वारा गृहमन्त्री लेखकको राजीनामा माग