सरकार र प्रतिपक्षको द्वन्द्वमा संसद्‌ बन्दी भयो, हाम्रो आवाज सुनिएन : रास्वपा सांसद डाँगी

राजनीति

नेपाल लाइभ मंगलबार, साउन १६, २०८० १४:१७

फाइल तस्वीर

काठमाडौं– राष्ट्रिय स्वतन्त्र पार्टीकी संसदीय दलकी सचेतक निशा डाँगीले सरकार र प्रमुख प्रतिपक्षी दल नेकपा एमालेको द्वन्द्वमा संदद्‌ बन्दी भएको टिप्पणी गरेकी छन्।

१ क्विन्टल सुन प्रकरणलाई लिएर प्रमुख प्रतिपक्षी एमाले र सरकारबीच छानबिन प्रक्रियामा असमझदारी बढेपछि संसद्‌मा त्यसको प्रत्यक्ष असर परेको छ। सोही विषयमा टिप्पणी गर्दै सांसद डाँगीले भनिन्, 'सरकार उच्चस्तरीय छानबिन समिति बनाउन नचाहने, प्रमुख प्रतिपक्ष दल उच्चस्तरीय नबनेसम्म संसद् चल्न नदिने अडान लिएर बसेका छन्, रास्वपाको आवाज सुनिएको छैन।'

सचेतक डाँगीले आफूहरूले छानबिन जरैसम्म पुगोस् भनेको तर सुनुवाई नभएको बताइन्।

‘हामीले सरकारले सुन प्रकरणमा जरासम्म अनुसन्धान गरोस् भनेका छौं, सरकार र प्रतिपक्षको द्वन्द्वमा संसद् बन्दी भएको छ,’ उनले बताएकी छन्।

प्रतिनिधिसभाको सोमबारको बैठक सूचना टाँसेर स्थगित भएको थियो भने मंगलबारको बैठकलाई सहमतिमा संचालन गर्ने प्रयास असफल भएको छ।

यद्यपि, दलहरूले आफ्ना धारणा सुन्ने र सुनाउनेमा भने सहमति गरेका छन्। १ बजे बस्ने भनेको बैठक आज पनि बस्न सकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुस्लिम समुदायको अधिकार कार्यान्वयनमा माओवादी गम्भीर : अध्यक्ष दाहाल

जापानमा जन्मदर नयाँ ऐतिहासिक न्यूनस्तरमा

७८ सहसचिवको एकैपटक सरुवा तथा पदस्थापन [सूची]