अहिलेको महत्त्वपूर्ण कुरा राष्ट्रिय एकता हो : देउवा

राजनीति

नेपाल लाइभ सोमबार, साउन १५, २०८० १७:२७

काठमाडौं– नेपाली कांग्रेसका सभापति शेरबहादुर देउवाले अहिलेको महत्त्वपूर्ण कुरा भनेको राष्ट्रिय एकता भएको बताएका छन्।

सोमबार नेपाली कांग्रेस नुवाकोटद्वारा आयोजित खिर खाने कार्यक्रमलाई सम्बोधन गर्दै देउवाले उक्त कुरा बताएका हुन्।

सभापति देउवाले भने, ‘हाम्रो आवश्यकता र कर्तव्यअनुसार सबै पार्टीकोबीचमा एउटा सहमति भएर लोकतान्त्रिक संविधान बनेको छ। यो संविधानलाई स्थायी रुपमा अघाडि बढाउँदै यसमा भएका कमीकमजोरीको उपचार गर्ने प्रशस्त ठाउँ छ। अहिले नै त्यो सुधार्ने ठाउँ नहोला। भोलिका दिनमा हुनसक्छ। तर अहिलेको महत्वपूर्ण कुरा राष्ट्र हो। राष्ट्रिय एकता हो। राष्ट्रको सार्वभौमसत्ता हो।’

उनले राष्ट्रिय एकतालाई स्थायी रुपमा अघाडि बढाउनुपर्ने कर्तव्य भएकोमा जोड दिए। सभापति देउवाले नेपालमा स्थायी शान्ति स्थापना गर्नुपर्ने र आपसी द्वन्द्व अन्त्य गर्नुपर्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुस्लिम समुदायको अधिकार कार्यान्वयनमा माओवादी गम्भीर : अध्यक्ष दाहाल

जापानमा जन्मदर नयाँ ऐतिहासिक न्यूनस्तरमा

७८ सहसचिवको एकैपटक सरुवा तथा पदस्थापन [सूची]