काठमाडाैं- प्रधानमन्त्री केपी शर्मा ओलीले दक्षिण एसियाली क्षेत्रीय सहयोग संगठन (सार्क) को विकल्पका रुपमा बहुपक्षीय प्राविधिक तथा आर्थिक सहयोगका लागि बंगालका खाडी राष्ट्रहरूको प्रयास (बिम्स्टेक) नभएको बताएका छन्। बिम्स्टेकको चौथो शिखर सम्मेलनलाई सम्बोधन गर्ने क्रममा प्रधानमन्त्री ओलीले उक्त कुरा बताएका हुन्।
सम्मेलनलाई सम्बोधन गर्दै प्रधानमन्त्री ओलीले यस क्षेत्रका राष्ट्रहरू साझा रुपमा मौसम परिर्वतनको मुद्दाबाट गुज्रिएको बताए। उनले भने, ‘हामीले नगरेको गल्तीको सजायाँ हामीले भोगेका छौं, यो समस्याको निराकरणका लागि सामूहिक रूपमा अघि बढ्नुको विकल्प छैन।’
प्रधानमन्त्री ओलीले युवाहरूको क्षमता अभिवृद्धि गर्नमा जोड दिएका छन्। ‘युवामा लगानी गर्नु भनेको भविष्यमाथि लगानी गर्नु हो, त्यसैले युवाहरूको क्षमता बढाउन सामूहिक रुपमा अघि बढ्नु पर्छ’, ओलीले भने। बिम्स्टेक क्षेत्र विकास हुनका लागि यस क्षेत्रमा रहेका राष्ट्रबीचको दूरी घट्नुपर्ने भन्दै ओलीले सम्बोधनमा विचार र व्यापारको कनेक्टिभिटिमा जोड दिएका छन्।
बंलादेशकी प्रधानमन्त्री शेख हसिनाले बंलादेशले आफ्नो स्वतन्त्रताको सुरुवाती दिनदेखि क्षेत्रीय संगठनमा जोड दिएको बताएकी छन्। उनले यस क्षेत्रको समृद्धिका लागि शान्ति र स्थायित्वमा जोड दिएकी छन्।
बंलादेशले बिम्स्टेकको मौसम परिर्वतन सम्बन्धी मुद्दामा नेतृत्व लिएको र त्यसमा देखिने खालका कामहरू गरेको बताइन्। विश्व राजनीति परिर्वतनशील रहेको बताउँदै उनले बिम्स्टेक त्यही अनुरूपमा अघि बढ्नुपर्ने उल्लेख गरिन्।
भारतीय प्रधानमन्त्री नरेन्द्र मोदीले बिम्स्टेक राष्ट्रहरुबीचको सैन्य अभ्यासमा जोड दिएका छन्। शान्ति र स्थायित्वले मात्रै आर्थिक समृद्धि हाँसिल हुने बताउँदै मोदीले सैन्य अभ्यासको मुद्दालाई प्राथमिकताका साथ सम्बोधन गर्नुपर्ने बताएका छन्।
अहिलेको विश्व परिवेशमा कुनै देश पनि देश एक्लै अघि बढ्न सक्दैन भन्दै मोदीले यस क्षेत्रका राष्ट्रहरूसँग भारत हरेक क्षेत्रमा सहकार्य गर्न तत्पर रहेको सम्बोधनका क्रममा उनले बताएका हुन्।
‘यस सम्मेलनमा सहभागी सबै देशहरु कृषिप्रदान देश रहेकाले हामी बढ्दो मौसम परिर्वतनको मुद्धाबाट प्रताडीत रहका छौँ’, मोदीले भने। आर्थिक सहकार्यका निम्ति उनले तटीय, ‘ब्लु–इकोनोमी’, भन्सार र कनेक्टिभिटीमा सहर्काय गर्न सकिने उनले बताएका छन्। यस क्षेत्रमा जनसम्पर्क बढाउन महिला सांसदहरूलाई प्रभावकारी बनाउनु पर्ने उनको तर्क छ।
हिमालय र बंगालका खाडी राष्ट्रसँग जोडिएका देशहरूले प्राकृतिक प्रकोपको सामना गरी रहेको बताउँदै मोदीले यस क्षेत्रका देशहरूले एक आपसमा मानवीय सहायता एवम् प्रकोप नियन्त्रणका लागि सहयोग र समन्वय हुनुपर्ने बताएका छन्।
महिला सांसदहरुलाई अघि बढाउन नशालु पदार्थसँग सम्बन्धित विषयमा बिमस्टेक कार्यक्षेत्र भित्र रहेर भारतले निकट भविष्यमा नै एक सम्मेलनको आयोजना गर्ने मोदीले बताएका छन्। चौथो शिखर सम्मेलन ठोस कदम उठाउने राम्रो अवसर भएको मोदीले बताए ।
कार्यक्रममा भुटान, म्यानमार, श्रीलंका र थाइल्याडका कार्यकारी सरकार प्रमुखहरुले पनि सम्बोधन गरेका छन्।
बिम्स्टेक सचिवस्तरीय विशेष बैठककले भदौ १२ गते सहमतिमा पुर्याएका एजेण्डालाई आज बसेको कार्यकारी सरकार प्रमुखहरूको सम्मेलनले सर्वसम्मत पारित गरेको छ। शुक्रबार काठमाडौँ घोषणापत्र जारी गर्दै सम्मेलन समापन हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
