कञ्चनपुर- शुक्रबारको दिन थियो। दिनभर घरमै थिए सनी खुन्ना। सा“झ पर्न लागेपछि ठूलोबुबाको छोरा उमेशसित काम गरेको पैसा लिन जान्छु भनी घरबाट हिडेका कञ्चनपुर भीमदत्त नगरपालिका–१८ का सनी खुना घरबाट सदाका लागि भए। प्रहरीको गोली लागेर सहिद बने।
आन्दोलनमा सहभागी नभएका उनीमाथि कसले र किन गोली चलायो भन्ने प्रश्नले आफन्तहरूको मनमा शान्ति छाउन सकेको छैन। सनीकी दिदी प्रियंका खुन्नाले आँखाबाट आशु झार्दै भनिन्–
चार धुर जमीनमा दुःखले मात्र ओत लाग्ने सकिने सानो दुई कोठा भएको झुपडी रहेको छ। झुपडीमा सामान्य वर्षा भयो भने पनि तपतप पानी चुहिन्छ। भीमदत्तनगर नगरपालिका वडा नम्बर १८ भगतपुरस्थित सहिद सनीको घर पुग्दा उनकोे परिवार शोकमा डुबेको थियो। भाषीस्थित साहुको घरमा काम गरेको ज्याला रकम लिन हि“डेका १४ वर्षीय सनी शुक्रबार बेलुकी प्रहरीको गोली लागेर सहादत प्राप्त गरे। त्यसपछि उनका आफन्तको आ“खाबाट बगेको आँसुको भेल अझै रोकिएको छैन।
भाइले गोली खाएको ठाउ“मा शालिक बनाएको देख्ने आफनो धोको रहेको दिदी प्रियंकाले सुनाइन्। ‘हामीलाई राहत तथा क्षतिपूर्ति चाहिदैन। तर भाइलाई गोली हानिएकै ठाउ“मा उसको शालिक बनाइदिए पुग्छ’, प्रियकाले भनिन, ‘भाईलाई सरकारले सहिद घोषणा गरेको छ। शालिक बनाएर उसलाई सम्मान गरियोस्’। सनीका भाइ एलुन खुना अहिले पा“च वर्षका छन्। उनका दुई जना दिदी हुन्। दुवै जनाको विवाह भइसकेको छ। रक्षाबन्धनकै दिन भाइको शव देख्दा सनीका दुई दिदी त्यो दिन रोएरै बिताए।
वि.सं. २०६६ अघिसम्म भीमदत्तनगर नगरपालिका वडा नम्बर १६ वसन्तपुरमा कमैया जीवन बिताएका सनीका बुबा वीरबहादुर हाल भीमदत्तनगर नगरपालिका कार्यालयमा सरसफाइका गर्ने जागिरे हुन्। कमैया मुक्त भएपछि भगतपुरमा मिलेको हो साढे चार धुर जमिन। त्यही जग्गामा ओत लाग्न मिल्ने दुई कोठे झुपडी बनाए। दुःखसुख परिवार पालिरहेका वीरबहादुर छोरा सनीको निधनले स्तब्ध मात्रै छैनन, आफनो जीवनको सहारा गुमाउँदा अथाह पीडामा डुबेका छन्।
सनीकी आमा मञ्जु खुना गहभरी आँसु लिएर सहानुभूतिका लागि आउने आफन्तजनसित कुरा गर्छिन्। ‘छोरा सहिद भए। नियतिले घरपरिवारको खुसी नै लुटेको छ’, उनले भनिन्, निर्दोष सनी छातीमा गोली थापेर सहिद बनाइयो’ । आर्थिक अवस्था निकै कमजोर भएकाले सनीले कक्षा ४ मा नै पढाई छोडेका थिए। मञ्जु सनीकी कान्छी (सौतेनी) आमा हुन्। सनी अढाइ वर्षको छँदा उसकी आमा मायादेवी खुनाको निधन भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
