काठमाडौं– राष्ट्रपति विद्यादेवी भण्डारीले बिम्स्टेक सम्मेलनका लागि आएका पाहुनाको स्वागतमा शीतल निवासमा दिवाभोज कार्यक्रम आयोजना गरेकी छन्।
बहुपक्षीय प्राविधिक तथा आर्थिक सहयोगका लागि बंगालका खाडी राष्ट्रहरुको प्रयास (बिम्स्टेक) को चौथो शिखर सम्मेलनमा सहभागी हुन नेपाल आएका विदेशी पाहुनाको स्वागतमा दिवाभोज आयोजना गरिएको हो।
शीतल निवास पुगेका पाहुनाहरुलाई केहीबेरअघि राष्ट्रपति भण्डारीले स्वाग गरेकी छिन्।
प्रधानमन्त्री केपी शर्मा ओली पनि शीतल निवास पुगेका छन्।
काठमाडौंमा आयोजना भएको चौथो सम्मेलनमा सहभागी हुन सबै सदस्य राष्ट्रहरुका कार्यकारी सरकार प्रमुखहरु नेपाल आएका छन्। सन् १९९७ मा स्थापना भएको संगठनमा बंगलादेश, भुटान, भारत, म्यानमार, नेपाल, श्रीलंका र थाइल्याड सदस्य राष्ट्रका रुपमा रहेका छन्।
राष्ट्रपतिद्वारा आयोजित दिवा भोजपछि होटल सोल्टी क्राउन प्लाजामा सम्मेलन सुरु हुँदै छ।
स्थापनाकालमा मन्त्रीस्तरीय सम्मेलन गर्ने सहमति भएकोमा सन् २००४ बाट कार्यकारी प्रमुखहरुको शिखर सम्मेलन आयोजना गर्ने सहमति भएको थियो। सोही वर्ष बैंककमा पहिलो शिखर सम्मेलन आयोजना भएको थियो भने दोस्रो सम्मेलन सन् २००८ मा नयाँ दिल्लीमा आयोजना भएको थियो। म्यानमारको राजधानी न्याप्यिदोमा सन् २०१४ मा तेस्रो सम्मेलन आयोजना भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
