काठमाडौं– ललिता निवासको सरकारी जग्गा व्यक्तिको बनाई कीर्ते गरेको अभियोगमा पक्राउ परेका १४ जनालाई थप पाँच दिन हिरासतमै राखेर अनुसन्धान गर्न म्याद थप भएको छ।
जिल्ला अदालत काठमाडौले उनीहरुलाई दोस्रो पटक म्याद थप गरेको हो। सञ्चार तथा सूचना प्रविधि मन्त्रालयका सचिव कृष्णबहादुर राउत, भाटभटेनी सुपर मार्केटका मालिक मीनबहादुर गुरुङ र पूर्वनिर्वाचन आयुक्त सुधीरकुमार शाहसहित १४ जनालाई थप पाँच दिन हिरासतमा राख्ने अनुमति जिल्ला अदालत काठमाडौंले दिएको हो।
प्रहरीले पूर्व नापी अधिकृत ध्रुब अर्याल र समरजङ कम्पनीको प्रमुख लोकहरी घिमिरेलाई आइतबार पक्राउ गरेको थियो। त्यस्तै मंगलबार यो प्रकरणमा जोडिएका थप २ जनालाई प्रहरीले पक्राउ गरेको थियो।
प्रहरीले मंगलबार मालपोत कार्यालयका तत्कालीन नायब सुब्बा योगराज पौडेल र खरिदार नारायणदास मिश्रलाई पक्राउ गरेको थियो। प्रहरीले लिखत कीर्तेसगै संगठित रुपमा ठगीको कार्य भएको भन्दै अनुसन्धान गरिरहेको छ।
प्रहरीले यो प्रकरणसँग जोडिएको भन्दै ४०६ जनाविरुद्ध पक्राउ पुर्जी जारी गरेको छ। पक्राउ पुर्जी जारी भएका व्यक्तिहरु फरार भएको हुँदा नेपाल प्रहरीको केन्द्रीय अनुसन्धान ब्यूरो सीआईबीले खोजी जारी राखेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788534241.jpg)
-1787821303.jpg)
-1786602170.png)
-1789631269.jpg)
