भरतपुर– चितवन राष्ट्रिय निकुञ्जले चालु आर्थिक वर्षमा छवटा बाघको उद्धार गरेको छ। निकुञ्जको विभिन्न स्थानबाट ती बाघको उद्धार गरिएको हो।
निकुञ्जका सूचना अधिकारी गणेशप्रसाद तिवारका अनुसार उद्धार गरिएका बाघमध्ये तीन वटालाई निकुञ्जमा छोडिएको छ। समस्याग्रस्त भएका, घाइते भएका बाघलाई उद्धार गरिएको उनले जानकारी दिए।
उद्धार गरी ल्याइएका बाघको अवस्था हेरि निकुञ्जको कोर इलाकामा छाड्ने गरिन्छ। बाँके राष्ट्रिय निकुञ्ज र पर्सा राष्ट्रिय निकुञ्जमा १/१ वटा पठाइएको छ भने एउटालाई खोरमा राखेर उपचार भइरहेको उनले जानकारी दिए।
उद्धार गरी ल्याइएका बाघ उपचारको क्रममा मर्ने सम्भावना पनि हुन्छ। उपचारपछि निको भएका बाघलाई बानीमा सुधार आएपछि निकुञ्जमा छोडिने गरिन्छ। यस वर्ष उद्धार गरिएकोमा ४ वटा भाले र दुईवटा पोथी बाघ रहेको निकुञ्जले जनाएको छ।
गत आर्थिक वर्षमा निकुञ्जले समस्याग्रस्त र घाइते ७ वटा बाघको उद्धार गरेको थियो। जसमध्ये २ वटा बाघ उपचारका क्रममा मरेका थिए। ४ वटा बाघको आनिवानिमा सुधार आएसँगै निकुञ्जमा छाडिएको थियो। एउटा बाघलाई अहिले पनि निकुञ्जको खोरमा राखिएको तिवारीले बताए।
यस वर्ष उद्धार गरिएका बाघमध्ये दुईवटा पोथी र पाँचवटा भाले रहेका छन् ।
निकुञ्जको खोरमा बाघको सङ्ख्या बढेसँगै यहाँबाट बाघलाई विभिन्न निकुञ्जमा स्थानान्तरण गरिएको छ। निकुञ्जको मुख्यालय कसरामा रहेका खोरमा ३ वटा र सौराहामा रहेको खोरमा २ वटा बाघ रहेका छन्। पछिल्लो गणनाअनुसार चितवन राष्ट्रिय निकुञ्जमा १२८ बाघ छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765273665.jpg)
-1763721444.png)
