काठमाडौं– नेपाली कांग्रेसका प्रमुख सचेतक रमेश लेखकले आइतबार प्रतिनिधि सभाको बैठकमा प्रधानमन्त्री पुष्पकमल दाहाल प्रचण्डले जवाफ दिने र सदन सञ्चालन हुने बताएका छन्।
संसद्मा जारी अवरोध खुलाउने प्रयत्नस्वरुप बसेको प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच आइतबार छलफल भएको थियो।
छलफलपछि नेपाल लाइभसँग कुरा गर्दै लेखकले प्रधानमन्त्रीले जवाफ दिने र एमालेले सदन सञ्चालनका लागि सहयोग गर्ने बताएका हुन्।
आइतबार दिउँसो १ बजेका लागि बोलाइएको बैठक ३ बजेका लागि सरेको छ।
गत असार १८ गते प्रधानमन्त्री पुष्पकमल दाहाल प्रचण्डले दिएको एक अभिव्यक्तिलाई लिएर नेकपा एमालेले राष्ट्रिय सभा र प्रतिनिधि सभा अवरोध गर्दै आएको छ। आइतबार बसेको राष्ट्रिय सभाको बैठक एमालेकै अवरोधका कारण स्थगित भइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790816682.webp)
-1786602170.png)
