काठमाडौं- सत्ता गठबन्धनले सभामुखलाईसमेत गणना गरेर बहुमत रहेको भन्दै सरकार बनाउन खोजेको भन्दै नेकपा एमालेले कोशी प्रदेश प्रमुखको ध्यानाकर्षण गराएको छ।
सभामुख बाबुराम गौतमीले २०७९ पुष २८ गते पार्टी सदस्यता त्यागेर तटस्थ बसिसकेको उल्लेख गर्दै यस विषयमा ध्यानाकर्षण गराइएको हो।
ध्यानाकर्षण पत्रमा भनिएको छ, ‘नयाँ सरकार गठनका लागि मौजुदा प्रदेश सभा सदस्य संख्याको बहुमत संख्या अर्थात् ४७ नपुग्ने अवस्था देखिएको तर माननीय सभामुखलाईसमेत गणना गरी बहुमत सावित गर्ने प्रयत्नको सम्भावनाप्रति हाम्रो गम्भीर ध्यानआकृष्ट भएको छ।’
आफू निष्पक्षताको पदमा आशिन भएकाले हालसम्म रहेको दलसँगको आबद्धता सभामुख पदको भूमिका निर्वाह गर्ने कार्यकालसम्म त्याग गरेको उनले घोषणा गरेका थिए।
नेपालको संविधानको धारा १८६ बमोजिम ‘प्रदेश सभामा निर्णयका लागि प्रस्तुत गरिएको जुनसुकै प्रस्तावको निर्णय उपस्थित भई मतदान गर्ने सदस्यहरुको बहुमतबाट हुने’ भनिएको छ। अध्यक्षता गर्ने व्यक्तिलाई मत दिने अधिकार नहुने तर मत बराबर भएमा अध्यक्षता गर्ने व्याक्तिले आफ्नो निर्णायक मत दिने उल्लेख छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
