वेस्ट जाभा (इन्डोनेसिया)- १८औं एसियाली खेलकुदमा नेपालले पहिलो पदक जितेको छ। नेपालले प्याराग्लाइडिङको पुरुष क्रस कन्ट्री इभेन्टबाट रजत पदक जितेको हो।
अाज पाँचौं चरणको खेल सकिएसंँगै नेपालले रजत जितेको हो। यो इभेन्टमा जापानले स्वर्ण जित्यो। आयोजक इन्डोनेसियाले कास्य पदक हात छ।
एसियाली खेलकुदमा नेपालले २० वर्षपछि रजत पदक जितेको हो। यसअघि सन् १९९८ को बैंकक एसियाली खेलकुदमा सविता राजभन्डारीले तेक्वान्दोबाट रजत जितेकी थिइन्। योसँगै नेपालले एसियाली खेलकुदमा दोस्रो रजत जितेको छ।
नेपाल जापानसँग २७ अंकले पछि परेको छ। 'नेपालले पदक जितेकोमा धेरै खुसी लागेको छ,' नेपाल प्याराग्लाइडिङ संघका महासचिव शैलेन्द्र राउतले भने, 'तर थोरैै अंकले स्वर्ण जित्न नसकेेेमा दुुु:ख लागेको छ।'
यसअघि हिजो टिम क्रस कन्ट्री इभेन्टको चौथो चरण समाप्तिसम्म नेपाली पुरुष टिम चौथोबाट दोस्रो स्थानमा उक्लिएको थियो। नेपालको कुल २ हजार ७ सय ९८ अंक जोडेको थियो । पहिलो स्थानमा रहेको जापानको ३ हजार २ सय ९८ अंक थियोे ।
२ हजार १ सय ९२ अंकसहित दक्षिण कोरिया तेस्रो स्थानमा थियो। अन्य खेलहरुमा खराब प्रदर्शन गरेकाे नेपालले एघारौं दिन प्याराग्लाइडिङबाट पदक जित्ने आसा कायम राखेकाे थियोे। क्रस कन्ट्री इभेन्टमा नेपाली टिमबाट विमल अधिकारी, विजय गौतम, सुशील गुरुङ, युकेश गुरुङ र विशाल थापाले प्रतिस्पर्धा गरेका थिए। क्रस कन्ट्री इभेन्ट इन्डोनेसियाको वेस्ट जाभास्थित गुनुङ मास पुनासमा पाँच दिनसम्म चलेको थियो।
यहि इभेन्टको महिला भने नेपाल छैटौं भएको छ।
पाँच राउन्डको पहिलो २ राउन्डमा नेपाल तेस्रो स्थानमा थियो। तेस्रो दिन चौथो स्थानमा झरेपछि नेपाल दबाबमा आएको थियो। तर चौथो दिन नेपालले उत्कृष्ट प्रदर्शन गर्दै दोस्रो स्थानमा उक्लन सफल भएको थियो। पाँचौ दिन पनि नेपालले धैर्यपूर्ण खेल्दै पदक पक्का गरेको हो। प्याराग्लाइडिङमा नेपालले पहिलो पटक भाग लिएको हो।
प्याराग्लाइडिङको क्रस कन्ट्री इभेन्टमा नेपाल एसियाको उत्कृष्ट राष्ट्र मध्ये एक हो। यसअघि प्याराग्लाइडिङमा नेपालले एक्युरेसीको पुरुष तथा महिलामा व्यक्तिगत तथा टिम इभेन्टमा प्रतिस्पर्धा गरेको थियो। एसियाली खेलकुदमा नेपालले पछिल्ला २ संस्करणमा १-१ कास्य मात्र जित्न सफल भएको थियो। सन् २०१० मा चीनको ग्वान्झाउमा भएको एसियाली खेलकुदमा नेपालका लागि दिपक महर्जनले बक्सिङबाट कास्य जितेका थिए। यस्तै सन् २०१४ मा दक्षिण कोरियाको इन्चोनमा भएको एसियाली खेलकुदमा करातेकी विमला महर्जनले कास्य पदक हात पारेकी थिइन्।
यसअघि नेपालले एसियाली खेलकुदमा जितेको सबैभन्दा ठूलो पदक सन् १९९८ मा सविता राजभण्डारीले जितेको रजत पदक हो। उनले तेक्वान्दोबाट पदक जितेकी थिइन्। यसअघि नेपालले बक्सिङ, कराते र तेक्वान्दोबाट पदक जितेको थियो। एसियाली खेलकुदमा पदक जित्ने प्याराग्लाइङडिङ नयाँ खेल भएको छ। योसँग नेपालले नेपालको एसियाली खेलकुदमा २४औं पदक जितेको छ।
अहिलेसम्म क-कसले जितेका पदक?
१९८६ (दक्षिण कोरिया, सोल) बक्सिङ ४ कास्य – तुलबहादुर थापा, सुशील पोखरेल, मनोजबहादुर श्रेष्ठ, स्व. दलबहादुर रानामगर, तेक्वान्दो ४ कास्य – विधान लामा, रामबहादुर घर्ती क्षेत्री, राजकुमार बुढाथोकी, राजकुमार राई
१९९० (चीन, बेइजिङ) बक्सिङ १ कास्य – चित्रबहादुर गुरुङ
१९९४ (जापान, हिरोसिमा) कराते १ कास्य – सीता राई तेक्वान्दो १ कास्य – मानबहादुर शाही
१९९८ (थाइल्यान्ड, बैंकक) तेक्वान्दो १ रजत – सविता राजभण्डारी तेक्वान्दो २ कास्य – सपना मल्ल र किशोर श्रेष्ठ कराते १ कास्य – समरबहादुर गोले
२००२ (दक्षिण कोरिया, बुसान) तेक्वान्दो ३ कास्य – दीपक विष्ट, रेनुका मगर र रितुजिमी राई
२००६ (कतार, दोहा) तेक्वान्दो ३ कास्य – दीपक विष्ट, मनिता शाही र आयशा शाक्य
२०१० ( चीन, ग्वान्झाउ) बक्सिङ १ कास्य – दीपक महर्जन
२०१४ (दक्षिण कोरिया, इन्चोन) कराते १ कास्य – विमला तामा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778155080.jpg)
-1764146706.png)
