काठमाडौं– आफू अल्पमतमा परेपछि अध्यादेशमार्फत् ल्याइएको कोशी प्रदेशको बजेट मुख्यमन्त्री तथा अर्थमन्त्री हिक्मतकुमार कार्कीले प्रदेश सभामा पेस गरेका छन्।
प्रदेश सभाको तेस्रो अधिवेशनको पहिलो बैठकमा बिहीबार आर्थिक वर्ष २०८०/०८१ को बजेटसम्बन्धी अध्यादेश कार्कीले पेस गरेका हुन्।
मुख्यमन्त्री कार्कीले नीति तथा कार्यक्रम प्रस्तुत गर्न तय गरिएको अघिल्लो दिन माओवादी केन्द्रले समर्थन फिर्ता लिएपछि छोटो समय रहेकोले विश्वासको मत लिएर बजेट ल्याउन सम्भव नभएकोले बजेट अध्यादेशमार्फत् ल्याएको दाबी गरेका छन्।
कार्कीले पेस गरेको अध्यादेशलाई अस्वीकृत गर्ने प्रस्ताव दर्ता गराउन चाहने सांसदलाई सभामुखले ७२ घण्टाभित्र सचिवालयमा दर्ता गर्न आह्वान गरेका छन्। अध्यादेश पेस गरेपछि मुख्यमन्त्री कार्कीले आफूलाई विश्वासको मत मागिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
