फाइल तस्बिर
काठमाडौं– राष्ट्रिय सभाका अध्यक्ष गणेशप्रसाद तिमिल्सिनाले प्रधानमन्त्री पुष्पकमल दाहाल प्रचण्डसँग भेट गरेका छन्।
प्रधानमन्त्रीको सरकारी निवास बालुवाटारमा भएको भेटमा अध्यक्ष तिमिल्सिनाले आफ्नो चीन भ्रमणका क्रममा भएका भेटवार्ता र छलफलका बारेमा जानकारी गराएका छन्।
अध्यक्ष तिमिल्सिनाले आफ्नो चीन भ्रमणको प्रतिवेदन समेत प्रधानमन्त्रीलाई बुझाएका छन्।
अध्यक्ष तिमिल्सिना तिब्बतको ल्हासामा असार १ देखि २ गतेसम्म आयोजना भएको ‘पाँचौँ चीन–तिब्बत पर्यटन तथा सांस्कृतिक प्रदर्शनी’मा सहभागी हुन ९ सदस्यीय प्रतिनिधिमण्डलसहित चीन गएका थिए। तिमिल्सिनाले उक्त प्रदर्शनीमा प्रमुख अतिथिको रुपमा सम्बोधन गरेका थिए।
तिमिल्सिनाले तिब्बतमा चिनियाँ कम्युनिस्ट पार्टी तिब्बतका पार्टी महासचिव वाङ चेङजुङ र सांघाइमा चीनको सांघाइ म्युनिसिपल पिपुल्स कंग्रेस स्थायी समितिका अध्यक्ष डोङ युन्हुसँग भेट गरेका थिए। यस्तै, बेइजिङमा चीनको राष्ट्रिय जन कांग्रेसको स्थायी समितिका अध्यक्ष चाओ लिजी, चिनियाँ जन राजनीतिक परामर्शदात्री सम्मेलनका अध्यक्ष वाङ हुनिङसँग भेटवार्ता गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
