काठमाडौं- प्रतिनिधिसभा र प्रदेशसभा निर्वाचनका लागि ९८ हजारभन्दा बढी संख्यामा म्यादी प्रहरीको जागिर खुलेको छ।
कुल ९८ हजार २६८ जनाका लागि प्रहरी प्रधान कार्यालयले आवेदन माग गरेको हो। आज सार्वजनिक विज्ञापनअनुसार आवदेन दिने समय असोज ३० गतेसम्म तोकिएको छ।
काठमाडौं उपत्यकाकाका लागि काठमाडौं, ललितपुर र भक्तपुर जिल्लाका प्रहरी परिसरहरुमा दरखास्त बुझाउन सकिनेछ भने उपत्यकाबाहिर सम्पूर्ण जिल्ला प्रहरी कार्यालमा आवेदकले दरखास्त बुझाउन सक्नेछन्। नवलपरासी र रुकुममा भने पहिलेकै जिल्ला प्रहरी कार्यालयमा दरखास्त बुझाउनुपर्ने उल्लेख छ।
१८ वर्ष पूरा भई ५४ ननाघेका युवाहरुले आवेदन दिन सक्ने छन्। साधारण लेखपढ गर्न जान्ने जोकोही नेपाली नागरिकबाट पनि आवेदन माग गरिएको छ।
मंसिर १० र २१ मा हुने प्रदेश र प्रतिनिधिसभा निर्वाचन सुरक्षाका लागि प्रहरीमा भर्ना खुलाइको हो।
तलब सुविधा
म्यादी प्रहरीलाई प्रहरी जवान सरह सेवा सुविधा दिइने भएको छ। उनीहरुले आधारभूत तलब १७ हजार २ सय ३० रुपैयाँ पाउनेछन्। ५५ दिन कार्यावधि तोकिएको उनीहरुले राशन, पारिश्रमिक र स्थानीय भत्ता पनि पाउनेछन्।
निर्वाचनको सात दिनका लागि प्रतिदिन २५० रुपैयाँका दरले विशेष भत्ता र २५० रुपैयाँ नै खाजा खर्च पनि उलपब्ध गराइनेछ। म्यादीमा छनोट भएकाले ४ हजार पोसाक भत्ता पाउनेछन् भने बाटो खर्चस्वरुप एक हजार रुपैयाँ दिइनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
