मुम्बई– बलिउड अभिनेता आफताब शिवदासानी २५ जुनमा आफ्नो ४५औं जन्मदिन मनाउँदैछन्।
आफताबको जन्म २५ जुन १९७८ मा मुम्बईमा भएको थियो। उनले बाल कलाकारको रुपमा फिल्मी करिअर सुरु गरेका थिए। ९ वर्षको उमेरमा आफताब पहिलो पटक अनिल कपूरको सुपरहिट फिल्म ‘मिस्टर इन्डिया’ मा देखिएका थिए।
‘मिस्टर इन्डिया’ पछि उनले फिल्म ‘शहेनशाह’ मा अमिताभ बच्चनको बाल्यकालको भूमिका निभाएका थिए। आफताबले ‘अव्वल नम्बर’, ‘चालबाज’ र ‘इन्सानियत’ जस्ता फिल्ममा पनि उत्कृष्ट अभिनय गरेका छन्।
सन् १९९९ मा आफताब शिवदासानीले १९ वर्षको उमेरमा राम गोपाल वर्माको फिल्म ‘मस्त’ मा मुख्य भूमिका खेलेर डेब्यु गरेका थिए। यो फिल्मबाट आफताब रातारात स्टार बने। यस फिल्ममा उनको अपोजिटमा उर्मिला मातोन्डकर थिइन्। फिल्म सुपरहिट भयो। आफताभले यस फिल्मबाट बेस्ट मेल डेब्यु र मोस्ट प्रोमिसिङ न्यूकमर जस्ता धेरै अवार्डहरू पनि प्राप्त गरे।
आफताबले ‘मस्ती’, ‘आवारा पागल दीवाना’, ‘हंगामा’ लगायत धेरै फिल्ममा आफ्नो अभिनयको जादु देखाएका छन्। उनले मल्टिस्टारर कमेडी फिल्ममा आफ्नो विशेष स्थान बनाउन सफल भए।
'कसूर', 'लभ लिए कुछ भी करेगा', प्यार इश्क और मोहब्बत, 'कोई मेरे दिल से पूछे', 'क्या येही प्यार है', 'आवारा पागल दीवाना' र 'प्यासा' जस्ता फिल्महरूमा काम गरे। तर, यति राम्रो कथा भए पनि आफताबले दर्शकको मन जित्न सकेनन्। बलिउडमा अफताबको करिअर फ्लप भयो।
उनी चलचित्रबाट टाढा छन्। यससँगै अहिले उनी लाइमलाइटमा आउन पनि रुचाउँदैनन्।
अफताबले ३८ वर्षको उमेरमा पत्नी निन दुसान्जसँग दोस्रो विवाह गरेका थिए। अफताब र निन दुसाँजले सन् २०१४ मा विवाह गरेका थिए। अहिले उनी १ सन्तानका पिता हुन्। आफताबकी श्रीमती निन दुसाँझ ब्रिटिश–भारतीय हुन्। उनी कबीर बेदीकी पूर्वपत्नी परवीन दुसाँझकी बहिनी हुन्। विवाह अघि, निन मोडलिङको साथ एक लक्जरी ब्रान्ड उद्योगको सल्लाहकार थिइन्।
आफताबले आज फिल्म नगरे पनि लक्जरी जीवन जिइरहेका छन्। मुम्बईमा उनको आफ्नै विलासी र सुविधासम्पन्न अपार्टमेन्ट छ। आफताबले आफ्नो प्रोडक्सन हाउस र अन्य इभेन्टहरूबाट वार्षिक ३ करोड रुपैयाँसम्म कमाउँछन्। उनी करिब ५१ करोडको मालिक हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
