मुम्बई– दीपिका पादुकोणले सन् २००७ मा रिलिज भएको फिल्म ‘ओम शान्ति ओम’ बाट बलिउडमा डेब्यु गरेकी थिइन्। फिल्ममा शाहरुख खान मुख्य भूमिकामा थिए। यस फिल्मको निर्देशक फराह खान थिइन्।
फिल्मले त्यतिबेला कीर्तिमानी कमाइ गरेको थियो। फिल्ममा शाहरुखका पिताको भूमिका पाकिस्तानी अभिनेता जावेद शेखले निभाएका थिए। फिल्म रिलिज भएको १६ वर्षपछि जावेदले गरेको खुलासाका कारण उनी पाकिस्तानमा ट्रोल भइरहेका छन्।
जावेद शेखले हालैको एक अन्तर्वार्तामा आफूले यस फिल्मको लागि शुल्क लिन नचाहेको खुलासा गरेका छन्। तर निर्माताको आग्रहमा उनले शुल्कको नाममा १ रुपैयाँ मात्रै लिए। उनले शाहरुखका प्रबन्धकले फिल्ममा काम गर्न अफर गरेको र सम्झौतामा हस्ताक्षर गर्नुअघि शुल्कबारे सोधेको बताए।
जावेद शेखले शाहरुख र फराह खानका कारण शुल्क नलिने बताएका थिए।
उनले भारतमा जो सुकै शाहरुखसँग काम गर्न राजी हुने बताए। शाहरुख र फराहले उनलाई रोज्नु उनले आफ्नो लागि गर्वको कुरा भएको बताए। तर प्रबन्धकले कम्पनीको नियम भनेपछि शुल्कको नाममा १ रुपैयाँ लिए।
तर, पछि शाहरुखले खुसीसाथ मोटो रकम दिए।
जावेद शेख आफ्नो खुलासाका कारण पाकिस्तानमा ट्रोल हुन थालेका छन्। एक प्रयोगकर्ताले भने, ‘यसलाई भनिन्छ कि तपाईंमा कुनै आत्मसम्मान छैन।’ अर्का प्रयोगकर्ताले लेखेका छन्, ‘तिमीले पाकिस्तानको नाम बिगार्यौ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
