लहान- पूर्वपश्चिम राजमार्गअन्तर्गत सिरहाको गोलबजारमा प्रहरीको गाडी र मालवाहक ट्रक ठोक्किँदा ९ प्रहरीसहित १२ भन्दा बढी घाइते भएका छन्।
इलाका प्रहरी कार्यालय लहानले जिल्ला अदालतबाट कैदीको म्याद थप गरेर फर्किने क्रममा पूर्वबाट पश्चिमतर्फ गइरहेको को १ क ११४४ नंको मिनीट्रक र विपरीत दिशाबाट आइरहेको बा १ ग २२१२ नंको ट्रक ठक्किएको हो। दुर्घटनामा ३ थुनुवा पनि घाइते भएको इलाका प्रहरी कार्यालय गोलबजारले जनाएको छ।
घाइतेमध्ये ५ जनाको अवस्था गम्भीर छ। घाइते प्रहरीमध्ये ५ जनालाई थप उपचारका लागि विराटनगर पठाइएको इलाका प्रहरी कार्यालय गोलबजारका प्रहरी निरीक्षक राजेन्द्रकुमार उपाध्यायले जानकारी दिए।
दुर्घटनामा प्रहरी सहायक निरीक्षक धनराज खतिवडा, प्रहरी हवलदार महेन्द्र खत्वे र शम्भु कार्की, प्रहरी जवान सन्तोष न्यौपाने, प्रमोदकुमार चौधरी, भगवानलाल माझी, अनुपनारायण झा घाइते भएका छन्। यसैगरी थुनुवा प्रेमकुमार यादव, राकेशकुमार यादव र विकास भट्टराईसमेत घाइते भएको प्रहरीले जनाएको छ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
