काठमाडौं- नक्कली भुटानी शरणार्थी प्रकरणमा मुख्य अभियुक्त भनिएका केशव दुलालले पूरै इन्कारी बयान दिएका छन्। उनले त्यस विषयमा आफूलाई जानकारी नभएको बताएका छन्। आफूकहाँ आएका कागजातहरुको विषयको प्रयोजनसमेत थाहा नभएको उल्लेख गरेका छन्।
कांग्रेस सभापति शेरबहादुर देउवा पत्नी आरजु देउवा र खाणपत्नी मञ्जु खाणका विषयमा केही सयमअघि सार्वजनिक अडियोका विषयमासमेत उनलाई केरकार गरिएको छ। प्रहरीले अडियोमा रहेको संवाद गजेन्द्र बुढाथोकी र शन्देश शर्माबीच रहेको उल्लेख गरेको छ।
उक्त अडियोका विषयमा के कुराकानी भएको हो मलाई केही थाहा छैन। उनले बयानमा भनेका छन्, 'सन्देश शर्माले आरजु देउवालाई दुई करोड बुझाएको हो, छ करोड रुपैयाँ त्यो बाल कृष्ण खाणलाई बुझाएको हो, उक्त रकम मञ्जु दिदीले लिनु भएका, हनुमान थान भित्र घर छ, त्यही बुझाएको हो भनी बोलेका कुरा सम्बन्धमा मलाई थाहा भएन।'
यस्तो छ उनको बयान
जाहरवालाहरु गजेन्द्र बुढाथोकी र राम कुमार रेग्मीलाई मैले चिनेको छैन, निजहरूलाई अमेरिका पठाई दिने भनी कुराकानी समेत गरेको छैन, मैले कुनै उच्च अधिकारी र प्रधान मन्त्रीसँग कुरा गरेको छैन, मैले अमेरिका जान पाईन्छ भनी निजहरुलाई कुनै अफर(प्रस्ताव) गरी विश्वास दिलाएको समेत छैन, प्रतिवादी सन्देश शर्माको WhatsApp बाट पठाएको भनिएको श्रम मन्त्रालय, गृह मन्त्रालय र नेपाल सरकारका बिभिन्न निकायहरुबाट भुटानी शरणार्थीहरुको सम्बन्धमा भएको निर्णय र सो संग सम्बन्धि समाचारको फोटो, कागज पत्रहरुको के-कुन प्रयोजनको लागी पठाएका हुन मलाई जानकारी भएन । निजहरुले जाहेरी दरखास्तमा उल्लेख गरे अनुसार मैले कोही कसैलाई ठगी गरेको छैन।
जाहेरी दरखास्तमा जाहेरवाला गजेन्द्र बुढाथोकीको चिनजान र सम्पर्कमा रहेका सन्तोष शर्मा, बिबेक थापा, प्रदिप अर्याल, सन्देश जंग ठकुरी, संजिब गौतम, सन्देश गौतम, दिपेन्द्र लामिछाने, दिपक के.सी र धन बहादुर भण्डारी समेत ६१ जना व्यक्तिहरुसँग मेरो चिनजान र सम्पर्क छैन, चिनजान नै नभएका व्यक्तिहरुलाई मैले काठमाण्डौको सुन्धारा भेट गर्ने भन्ने विषय हुनै सक्तैन, निजहरुले म माथी लगाएको आरोप निराधार र झुठ्ठा हो। जाहेरी दरखास्तमा जाहेरवालाले नाम उल्लेख गरेका बिराज पाण्डे, डम्बर खत्री, यज्ञ ओली, समिर लामिछाने, गौतम गिरी, सुजल के.सी., असिमओली, चन्द्र बहादुर खड्का, पदमसिंह खत्री, महेन्द्र कुसारी, मान बहादर खत्री, मनिस डि.सी., मुमकान्त पाण्डे, मनोज के.सी. समेत २० जना व्यक्तिहरुसंग मेरो कुनै चिनजान छैन, सिह परिसर भर्न लगाई बायोमेट्रिक गरी, फोटो खिची, ट्राभल डकुमेन्ट बनाउनु पर्छ भनेको छैन मार्यको लागी रकम दिनु भनी रु.१०,००,०००/- (दस लाख) देखी रु.२०,००,०००।- (बिस लाख) सम्म रकम माग गरेको भन्ने सम्बन्धमा मलाई जानकारी भएन, मैले जाहेरीमा दावी लिएको कुनै रकम लिएको छैन, निजहरुको ट्राभल डकुमेन्ट बनी सकेको छ भनी मैले WhatsApp बाट नामावली कोही कसैलाई पठाएको छैन। मैले आशिष बुढाथोकी र मोहन राई भन्ने व्यक्तिहरुको खातामा रकम जम्मा गर्न लगाएको छैन, गजेन्द्र बुढाथोकी र शन्देश शर्मा विच अडियोमा के कुराकानी भएको हो मलाई केही थाहा छैन। सन्देश शर्माले आरजु देउवालाई दुई करोड बुझाएको हो, छ करोड रुपिया त्यो बाल कृष्ण खाणलाई बुझाएको हो, उक्त रकम मञ्जु दिदीले लिनु भएका, हनुमान थान भित्र घर छ, त्यही बुझाएको हो भनी बोलेका कुरा सम्बन्धमा मलाई थाहा भएन।
सन्देश शर्माले भुटानी शरणार्थी बनाई अमेरिका पठाई दिन्छु भनी रु.१,००,००,०००/- (एक करोड) रकम लिएको हुँदा म लगायत मेरा आफन्त र साथीभाई समेत पिडित भएका छौं, सन्देश शर्मासँग मिली भुटानी शरणार्थी बनाई अमेरिका पठाई दिन्छु भनी कसैलाई ठगी गरेको छैन र यो कार्यमा मेरो कुनै संलग्नता छैन। जाहेरवालाहरु रोशन खरेल तथा गोकुल भट्टराईले अशोक पोखरेलको प्रभु बैकको खातामा रु.२०,००,०००।- (बिस लाख), सानु भण्डारीलाई चेक मार्फत रु.२८,००,०००।-(अठ्ठाईस लाख) र सागर राईको नाममा रु.२२,००,०००।- (बाईस लाख) दिएको तथा जम्मा गरेको भन्ने सम्बन्धमा मलाई जानकारी भएन। मेरो श्रीमती दिपा हुमागाईको नाममा जम्मा भएको रकम रु.२०,००,०००।- (बिस लाख) मैले व्यक्तिगत ऋण लिएको हुँ, उक्त ऋण मैले निजको बैंक खातामा फिर्ता गरी सकेको छु, बैंक भौचर उपलब्ध गराउने छु, बैंक भौचर उपलब्ध नभए निजले दावी गरेको मितिबाट हाल सम्मको बैक स्टेटमेण्ट झिकाई पछी पेश गर्ने छु। जाहेरवाला रोशन खेरल मेरो गाउँको छिमेकी भाई हुन, तत्कालका समयमा मलाई ऋण तिर्नका लागी रकम आवश्यक भएको हुँदा मैले निज संग ऋण लिएको हुँ, सो ऋण मैले निजको बैंक खाता मार्फत फिर्ता गरी सकेको छु, निजले फिर्ता गरी सकेको रकम किन दावी गरेका हुन, मलाई थाहा भएन। मलाई जिल्ला सरकारी वकील कार्यालय काठमाण्डौंमा कार्यालय प्रमुखको कार्यकक्षमा जिल्ला न्याधिवक्ता र अनुसन्धान अधिकृतले प्रारम्भिक सोधपुछको क्रममा जाहेरवाला जगेन्द्र बुढाथोकी समेतले दिएको ठगी सम्बन्धी जाहेरी दरखास्तको व्यहोरा सम्बन्धमा सोधिएका कुराहरुको विषयमा मैले दिएको जवाफको रेकर्ड मलाई सुनाउँदा सुनी पाएँ, उक्त आवाज मेरै हो, आवाज सुनी सनाखत गरी दिएँ।
सन्देश शर्माले म समेत मेरा आफन्त र साथीभाईहरुलाई भुटानी शरणार्थी बनाई अमेरिका लैजाने भनी रु.१,००,००,०००/- (एक करोड) लिएका बखत उल्लेखित व्यक्तिहरुको नाम लिई म अमेरिका पठाई दिन्छु भनेका थिए, म सन्देश शर्मावाट ठगिए पछी पटक-पटक रकम फिर्ता माग्दा ४ वर्ष विति सक्यो मलाई म आफु पिडित भई आर्थिक व्यवहारले मार्का परेको हुँदा प्रस्तुत मुद्दाका जाहेरवालाहरु गजेन्द्र बुढाथोकी र राम कुमार रेग्मी समेतको जाहेरीले पक्राउ परी अनुसन्धानको क्रममा प्रारम्भिक सोधपुछको क्रममा तत्कालीन अबस्थामा सन्देश शर्माले भनेका कुराहरु सम्झी मेरो पिडा पोख्ने क्रममा भावावेशमा आई उक्त कुरा सोधपुछको क्रममा राखेको हुँ, उक्त रकम मैले कोही कसैलाई दिएको छैन भन्ने समेत व्यहोराको प्रतिवादी केशव प्रसाद दुलालले अधिकार प्राप्त अधिकारी समक्ष गरेको बयान कागज।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
