सन्दीप रायमाझीको बयान : सानु भण्डारीसँग टायल-मार्वल व्यवसायमा साझेदारी गरेका हौं

अनुसन्धान

नेपाल लाइभ मंगलबार, जेठ ९, २०८० १८:५८

काठमाडौं- पूर्वमन्त्री एवं एमाले सांसद टोपबहादुर रायमाझीका छोरा सन्दीप रायमाझीले आफ्नो सानु भण्डारीसँग व्यवसायिक साझेदारी रहेको बयान दिएका छन्। उनीसँग दुई वर्षसम्म टायल र मार्वलको व्यवसाय गरेको उनको भनाइ छ।

उनले आफूहरुले भण्डारीबाट उक्त व्यवसायका लागि पैसा लिएको बताउँदै नक्कली भुटानी शरणार्थी बनाएर पठाउनका लागि नलिएको दाबी गरेका छन्। सुरुमा साझेदार बनेर बीचमा छाडेका भण्डारीले फेरि साझेदार बन्नका लागि केही रकम दिएको उनको भनाइ छ।

उनले बयानमा भनेका छन्, ‘प्रतिवादी सानु भण्डारीले म आफू पुन:कम्पनीमा रही काम गर्छु भनी कम्पनीको लागि मलाई रु.२०,००,०००/- (बिस लाख)को दरले २ पटक गरी २/३ महिनाको अवधिमा रु.४०,००,०००।-(चालिस लाख) दिएका हुन्, उक्त रकम दिँदा निजले चेक मार्फत नै दिएका हुन्।'

सन्दीप रायमाझीले गरेको बयान कागजको पूर्णपाठ
प्रतिवादी सानु भण्डारीले मेरो बुबालाई मामा भनी सम्बोधन गरी घरमा आउने गरेका थिए। निज आउने क्रममा निजसँग चिनजान हुन गएको हो। पछी निज र म मिली पाटनर सिपमा २ वर्ष टायल र मार्वलको व्यापार समेतमा बुबालाई भेट्न गरेका हौं। निजसँग विगत ६/७ वर्ष अगाडी टायल मार्वलको सेयरमा बसी काम गरेको हो। निजले २ वर्ष सम्म काम गरी सेयर बसेको र बीचमा १ वर्ष छाडेपछि पुनः पाटनरसिपमा काम गर्ने भनी आएको हुँदा संयुक्त रुपमा काम गरेको हो।

म समेतले सञ्चालन गरेको कम्पनीको नाम लियोन ट्रेडर्स प्रालि हो। उक्त कम्पनी कम्पनी रजिष्ट्रारको कार्यालयमा दर्ता गरेको छु, उक्त कम्पनि दर्ता गर्दाको अवस्थामा सञ्चालनक म, प्रतिवादी सानु भण्डारी, सरोज बुढाथोकी र जोसेफ रायमाझी गरी ४ जना थियौं। हाल सानु भण्डारीको स्थानमा भिष्म पोखरेललाई राखेका छौं। मैले निज प्रतिवादीहरु केशव प्रसाद दुलाल, सानु भण्डारी र सन्देश शर्मामार्फत् कोही कसैलाई भुटानी शरणार्थी बनाई अमेरिका पठाइदिने भनी कुनै रकम लिएको छैन।

लियोन ट्रेडर्स प्रालिको व्यापारको लागि भनी नगद र चेकमार्फत् दिने गरेका हुन्। निजले दिएको रकम कम्पनीको खातामा जम्मा भएको छ। टोप बहादुर रायामाझीले शरणार्थी बनाई पठाइदिन्छ भनी रकम लिएको भन्ने कुरा गलत हो। लियोन ट्रेडर्स प्रालि नामको कम्पनीको साविक नेपाल ईन्भेष्टमेण्ट बैंक र मेघा बैंकमा खाता सञ्चालन थियो, हाल नेपाल ईन्भेष्टमेण्ट मेघा बैकमा, नबिल बैंक, माछापुच्छ्रे बैंकमा खाता सञ्चालन छ, उक्त खाताहरु लियोन ट्रेडर्स प्रालिको नाममा नै खाता सञ्चालन रहेको छ।

निज प्रतिवादी सानु भण्डारीले म आफू पुन:कम्पनीमा रही काम गर्छु भनी कम्पनीको लागी मलाई रु.२०,००,०००/- (बिस लाख) को दरले २ पटक गरी २/३ महिनाको अवधिमा रु.४०,००,०००।-(चालिस लाख) दिएका हुन्, उक्त रकम दिँदा निजले चेकमार्फत् नै दिएका हुन, निजले दिएको चेक मैले मेरो नाममा रहेको माछापुच्छ्रे बैंकमा रहेको खाता नं.मा जम्मा गरी पुनःसो खातावाट निकाली कम्पनीको खातामा जम्मा गरेको हुँ। निजले दिएको अर्को रु.२०,००,०००।-(बिस लाख) को चेक मैले कम्पनी कै खातामा जम्मा गरेको हुँ।

शरणार्थीको विषयमा थाहा भएन। निजले कम्पनीमा सेयर होल्डरको रुपमा पहिलेवाट रहेका सरोज बुढाथोकीलाई सेयर होल्डरबाट हटाई मलाई सेयर होल्डरको रुपमा राख्नु भनी शर्त राखेको र सोही शर्त पालना गर्ने गरी निजले उक्त रकम मलाई दिएकोमा सरोज बुढाथोकी कम्पनीको सेयर होल्डरवाट हट्न नमानेको हुँदा निजलाई सेयर होल्डरको रुपमा आवद्ध गराउन नसकिएको हो।

निजबाट लिएको रकममध्ये निजले टायल मार्वल खरिद गर्न पठाएका निजका व्यक्ति र निजले सामान लगेको हुँदा अं.रु.१५,००,०००।- (पन्ध्र लाख) जति हिसाव मिलान भई सकेको र बाँकी रहेको रु.२५,००,०००/- (पच्चिस लाख) बजारमा रहेको उधारो रकम उठेपछि दिने भन्ने निज र कम्पनीबीच सहमति भएको थियो। निज सानु भण्डारी मेरो कम्पनीमा विगत ४ वर्षदेखि CEO भएर किन आउनुभयो, सो को प्रमाण म सँग छ।

मेरो बयान झुठ्ठा होइन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बालबालिकालाई चिसोबाट यसरी जोगाउन सकिन्छ

प्रदेश राज्यमन्त्रीको गाडी भारतमा दुर्घटनाः तीन जना घाइते

जोनले हात्ती महोत्सव खारेज गर्न आग्रह गर्दै किन लेखे नेपालका पर्यटनमन्त्रीलाई पत्र ?