काठमाडौं– काठमाडौं महानगरपालिकाले उपचारका लागि आउने विपन्न, असहाय, बेवारिसे बिरामीका लागि कुल शय्याको १० प्रतिशत शय्या छुट्याइ नि:शुल्क उपचार गर्ने व्यवस्था कार्यान्वयन गर्न अस्पतालहरुलाई निर्देशन दिएको छ।
महानगरले एक सूचना जारी गर्दै आफ्नो क्षेत्रभित्रका संघीय, प्रादेशिक तथा स्थानीय अस्पतालहरुलाई विपन्न बिरामीका लागि १० प्रतिशत शय्या छुट्याएर नि:शुल्क उपचारको व्यवस्था गर्न भनेको हो।
स्वास्थ्य संस्था सञ्चालन मापदण्ड २०७७, परिच्छेद २४ दफा ७० (घ) मा अस्पतालमा उपचारका लागि आउने विपन्न, असहाय, बेवारिसे बिरामीका लागि कुल शैयाको १० प्रतिशत शय्या छुट्याएर नि:शुल्क उपचार गर्नुपर्ने अनिवार्य व्यवस्था भएको महानगरले स्मरण गराएको छ। साथै स्थानीय सरकार सञ्चालन ऐन २०७४ को दफा ११ को उपदफा (४) को देहाय (ख) को (२) मा स्वास्थ्य संस्थाको नियमन गर्ने कानुनी अधिकार समेत स्थानीय तहलाई महानगरले सूचनामा उल्लेख गरेको छ।
साथै, स्वास्थ्य संस्थाहरूमा कार्यरत स्वास्थ्यकर्मी र अन्य कर्मचारीहरुको प्रचलित कानुनले ताकेको न्यूनतम पारिश्रमिक उपलब्ध गराउने, स्वास्थ्यजन्य फोहोरमैला व्यवस्थापन गर्ने, अस्पताल भित्र रहेका क्यान्टिनमा खाद्य गुणस्तर कायम गर्ने, अनावश्यक प्रयोगशाला परीक्षणको लागि सिफारिस नगर्न पनि महानगरले भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
