काठमाडौं– प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवाकाबीचमा भेट भएको छ।
प्रधानमन्त्री प्रचण्डलाई भेट्न देउवा बालुवाटार पुगेका थिए। बिहान करिब १० वजेतिर दुवै नेताकाबीचमा भेट भएको प्रधानमन्त्रीको सचिवालयले जनाएको छ।
नेपाली कांग्रेसको पदाधिकारी बैठकअघि प्रधानमन्त्री भेट्न देउवा बालुवाटार पुगेका थिए। हिजोदेखि जारी पदाधिकारी बैठकमा पक्राउ परेका नेता बालकृष्ण खाणलाई निम्लबन गनुपर्ने दबाबमा पार्टी सभापति देउवा रहेका छन्।
दुवै नेताको भेटमा भुटानी शरणार्थीका साथै संसदीय समिति गठन, नीति तथा कार्यक्रम र बजेटबारे पनि छलफल भएको सचिवालयको दाबी छ।
भुटानी शरणार्थी प्रकरणमा खाण पक्राउ परे पनि आरजु देउवासहित अन्य व्यक्तिहरुको बारेमा पनि चर्चा भइरहँदा देउवाले प्रधानमन्त्रीसँग भेट गरेका हुन्।
नेपाली कांग्रेसको पदाधिकारी बैठक २ वजे देउवा निवास धुम्बाराहीमा बोलाइएको छ। हिजोको बैठकमा महामन्त्रीहरुले भ्रष्टाचारमा संलग्न भएको आरोपमा पक्राउ परेको व्यक्तिलाई बोकेर हिँड्न नहुने भएकाले निलम्बन गर्नुपर्ने आवाज उठाएका थिए। तर देउवा पक्षका नेताहरुले पनि खाणको बचाउ गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
