नक्कली शरणार्थी प्रकरणः दोषी छ भने नेता होस् कि नाता, कोही पनि नछुटोस्ः गगन थापा

राजनीति

नेपाल लाइभ बुधबार, वैशाख २७, २०८० १३:५४

काठमाडौं- नेपाली कांग्रेसका सांसद एवं महामन्त्री गगनकुमार थापाले नक्कली शरणार्थी प्रकरणमा दोषी छ भने नेता होस् कि नाता कोही पनि छुट्नु नहुने बताएका छन्।

प्रतिनिधि सभाको बुधबारको बैठकमा बजेटको सिद्धान्त र प्राथमिकतासम्बन्धी छलफलमा सहभागी हुँदै सांसद थापाले उक्त कुरा बताएका हुन्।

‘सुशासनमा आधारित रहेर भ्रष्टाचारमा शून्य सहनशीलता र त्यसको आधारमा सुशासन प्रत्याभूत हुन्छ। नक्कली भुटानी शरणार्थी प्रकरण यस्तो बेला आएको छ कि सरकारले कसरी डिल गर्छ, यसैले बाँकी रहेको कुरा निर्धारण गर्छ। अहिलेसम्म जे भएको छ, त्यसको म प्रशंसा गर्छु,’ थापाले भने।

उनले यो सन्दर्भमा प्रधानमन्त्री र गृहमन्त्रीलाई हार्दिक बधाई समेत दिए। ‘यसमा हामी सबैको एउटै आवाज छ, संलग्न जोसुकै होस्, जुनसुकै दलको होस्, जुनसुकै तहको होस्, कारबाहीको दायरामा आउनै पर्छ। बजारको हल्लाले अनुसन्धान प्रभावित नहोस्,’ थापाले भने, ‘यो प्रकरणमा सरकारले दह्रो खुट्टा टेक्यो भने फिल्म चल्छ। हाउसफूल हुन्छ। नभए हल खाली हुन्छ। सबैले हेरेको छ। यहाँ अनुसन्धान गरेर मात्र हुँदैन, नागरिकलाई विश्वास हुनुपर्छ।’

बुधबार बिहान मात्रै यो प्रकरणमा पूर्व गृहमन्त्री बालकृष्ण खाण पक्राउ परेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रहरीका ७५ जना इन्स्पेक्टरको डिएसपीमा बढुवा (सूचीसहित)

पोखरा भ्रमण वर्ष घोषणाको तयारी, २० लाख पर्यटक भित्र्याउने लक्ष्य

आज थप तीनजनालाई रिहा गर्दै हमास