काठमाडौं– प्रहरी उपरीक्षक (एसपी)बाट प्रहरी वरिष्ठ उपरीक्षक (एसएसपी)मा बढुवा भएका १८ जना अधिकृतहरुको पदस्थापन गरिएको छ।
गृह मन्त्रालयले १८ जना एसएसपीहरुको पदस्थापन तथा काज गरेको हो। उपप्रधान तथा गृहमन्त्री नारायणकाजीको मन्त्रीस्तरीय निर्णयानुसार वैशाख २४ गते १८ जना एसपीहरु एसएसपीमा बढुवा भएका थिए।
एसएसपी विश्व अधिकारीको प्रहरी प्रधान कार्यालयअन्तर्गतको अन्वेषण योजना तथा विकास निर्देशनालयमा पदस्थापन भएको छ। यस्तै, भूपेन्द्र बहादुर खत्रीको कर्णाली प्रदेश प्रहरी कार्यालय, सानुराम भट्टराईको प्रहरी प्रधान कार्यालयको महिला बालबालिका तथा ज्येष्ठ नागरिक सेवा निर्देशनालय, ओम प्रसाद अधिकारीको अख्तियार दुरुपयोग अनुसन्धान कार्यालय, शेखर खनालको प्रहरी प्रधान कार्यालयको सुपरिवेक्षण तथा अनुगमन महाशाखामा पदस्थापन भएको छ।
यस्तै, अबि नारायण काफ्लेको प्रहरी प्रधान कार्यालयको मानवस्रोत विकास विभाग, सोमेन्द्र सिंह राठौरको प्रहरी प्रधान कार्यालयको कार्य विभाग निर्देशनालय, मुकुन्द मरासिनीको प्रहरी प्रधान कार्यालयको सुरक्षा सेवा व्यवस्थापन महाशाखा, दिप शम्शेर जबराको त्रिभुवन अन्तर्राष्ट्रिय विमानस्थल सुरक्षा कार्यालयमा पदस्थापन भएको छ। एसएसपी बेल बहादुर पाण्डेलाई राष्ट्रिय प्रहरी प्रशिक्षण प्रतिष्ठान र दिनेश राज मैनालीलाई काठमाडौं उपत्यका प्रहरी कार्यालयमा काजमा खटाइएको छ।
एसएसपी गोपाल चन्द्र भट्टराईलाई कर्णाली प्रदेश प्रहरी कार्यालय, प्रबिण पोखरेलाई मधेस प्रदेश प्रहरी कार्यालय, गंगा पन्तलाई प्रहरी शिक्षालय भरतपुर, चितवन, कृष्ण बहादुर पल्ली मगरलाई लुम्बिनी प्रदेश प्रहरी कार्यालयमा पदस्थापन भएको छ। यस्तै, विश्वमणि पोख्रेललाई प्रहरी प्रधान कार्यालयको प्रशासन विभाग र तारादेबी थापालाई प्रहरी प्रधान कार्यालयको कार्य विभागमा काजमा खटाइएको छ।
एसएसपी प्रज्वल महर्जनलाई सुदूरपश्चिम प्रदेश प्रहरी कार्यालयमा पदस्थापन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
