मनमैजुबाट पेस्तोलसहित तीन जना पक्राउ, गौचन हत्याकाण्डमा संलग्नताबारे छानबिन गरिँदै

ब्लग

नेपाल लाइभ सोमबार, असोज २३, २०७४ १८:२८

काठमाडौं – प्रहरीले राजधानीको मनमैजुबाट तीन जनालाई एक थान हतियार र तीन राउन्ड गोलीसहित पक्राउ गरेको छ।

उनीहरुको साथबाट घरेलु पेस्तोल र तीन राउन्ड गोली बरामद भएको प्रहरीले जनाएको छ। प्रहरीका अनुसार, पक्राउ परेका व्यक्तिहरुको आज दिउँसो हत्या गरिएका निर्माण व्यवसायी महासंघका अध्यक्ष शरदकुमार गौचनको हत्याकाण्डमा संलग्नता रहे-नरहेकोबारे अनुसन्धान भइरहेको छ।

महानगरीय प्रहरी प्रमुख एआईजी जयबहादुर चन्दले गौचनमाथि पौने ३ बजेतिर गोली प्रहार भएको र ३ बजे जोरपाटीमा ती व्यक्तिहरु पक्राउ परेको बताए । चन्दले नेपाल लाइभसँग भने, '१५ मिनेटमा बानेश्वरबाट मनमैजु पुग्न सम्भव छ कि छैन, हामी लिंक गरिरहेका छौं।'

पक्राउ पर्नेमा छिरिङ तामाङ, सञ्जय तामाङ र दिलीप लामा रहेका छन् । तीनै जना काभ्रेको रोशी नगरपालिका ४ का रहेको बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हलगोरु पाल्ने किसानलाई सम्मान

अमेरिकामा आप्रवासन नियन्त्रण गर्न ट्रम्पका विभिन्न कदम, शरण माग गर्ने एप खारेज

धरानलाई खानेपानी माग्दै खानेपानी मन्त्रालय पुगे मेयर हर्क साम्पाङ