कार्यालय समयमा तास खेल्ने नगर प्रहरीलाई निलम्बन गर्दै काठमाडौं महानगर

सुरक्षा/अपराध

नेपाल लाइभ बिहीबार, वैशाख २१, २०८० १७:३०

काठमाडौं– काठमाडौं महानगरपालिकाका नगर प्रहरी बलका केही कर्मचारी कार्यालय समयमा तास खेलिरहेको अवस्थामा फेला परेका छन्। अहिले उनीहरूलाई निलम्बनको प्रक्रिया अगाडि बढाइएको महानगर श्रोतले जनाएको छ।

बुधबार दिउँसो टेकुस्थित नगर प्रहरी बलको कार्यालयमा ३ जना नगर प्रहरी तास खेलिरहेको अवस्थामा भेटिएका थिए। उनीहरू प्रहरी बलको पोसाकमा तास खेलिरहेको तस्बिर सार्वजनिक भएको छ।

यसरी कार्यालय समयमा तास खेल्नेमा नगर प्रहरी निरीक्षक निरकुमार बस्नेत, हवलदार प्रयास घिमिरे र जवान रुपेश बानिया रहेका छन्। बानिया भने कम्पनी करारमार्फत् नगर प्रहरीमा आएका थिए।

उनलाई फिर्ता पठाउने तयारी भएको श्रोतले जनाएको छ। अहिले अन्य व्यक्तिलाई पनि छानबिनको दायरामा ल्याइएको छ। अन्य पनि संलग्न भएको पाइएमा उनीहरूलाई कारबाही गर्ने तयारी रहेको महानगर श्रोतले जनाएको छ।

निलम्बनमा परेका हवल्दार प्रयास घिमिरे उपमेयर सुनिता डंगोलका पूर्व पिएसओ हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने