एमाले नेता रायमाझीका छोरा सन्दीपलाई ३ दिन थुनामा राख्न अनुमति

सुरक्षा/अपराध

नेपाल लाइभ बिहीबार, वैशाख २१, २०८० १४:०२

काठमाडौं– नक्कली शरणार्थी बनाएर अमेरिका पठाइदिने भन्दै भएको ठगी प्रकरणको अनुसन्धानका लागि पक्राउ परेका एमाले नेता टोपबहादुर रायमाझीका छोरा सन्दीप रायमाझीलाई ३ दिन थुनामा राख्न जिल्ला अदालत काठमाडौंले अनुमति दिएको छ।

प्रहरीले सन्दीपविरुद्ध संगठित अपराध, ठगी लगायत कसुरमा अनुसन्धान अगाडि बढाइएको जनाएको छ।

नेपाली नागरिकलाई भुटानी शरणार्थी बनाएर अमेरिका पठाउने भन्दै १ अर्ब रुपैयाँ ठगी गरेको प्रकरणमा संलग्न भएको आरोपमा प्रहरीले उनलाई बुधबार बुटवलबाट पक्राउ गरेको थियो। उनलाई बिहीबार विमानमार्फत् काठमाडौं ल्याएर अदालतमा उपस्थित गराइएको थियो।

यही प्रकरणमा एमाले नेता रायमाझीविरुद्ध पनि पक्राउ पूर्जी जारी भएको छ। प्रहरीले खोजी सुरु गरेपछि रायमाझीले फोन गरेर आफैं उपस्थित हुने जनाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने