टोपबहादुर रायमाझीका छोरा सन्दीपलाई विमानमार्फत् काठमाडौं ल्याइँदै, अदालतमा उपस्थित गराइने

सुरक्षा/अपराध

नेपाल लाइभ बिहीबार, वैशाख २१, २०८० ०९:४६

काठमाडौं– नक्कली भुटानी शरणार्थी बनाएर अमेरिका पठाउने भन्दै ठगी गरेको प्रकरणमा पक्राउ परेका एमाले नेता टोपबहादुर रायमाझीका छोरा सन्दीप रायमाझीलाई आज (बिहीबार) अदालतमा प्रस्तुत गरिने भएको छ।

जिल्ला प्रहरी परिसर काठमाडौंले उनलाई काठमाडौं ल्याएर जिल्ला अदालत काठमाडौंमा उपस्थित गराइने जनाएको छ। सन्दीप बुधबार साँझ बुटवलबाट पक्राउ परेका थिए।

उनलाई बिहीबार बिहान भैरहवा विमानस्थलबाट विमानमार्फत् काठमाडौं ल्याउन लागिएको प्रहरी स्रोतले जानकारी दिएको छ।

बुधबार मात्रै नेता रायमाझी र उनका छोराविरुद्ध पक्राउ पुर्जी जारी गरिएको थियो। यस्तै तत्कालीन गृहमन्त्री रामबहादुर थापाका छोरा प्रतीक थापाविरुद्ध पनि पक्राउ पुर्जी जारी भएको छ।

नेपाली नागरिकलाई नक्कली भुटानी शरणार्थी बनाएर अमेरिका पठाइदिने भन्दै भएको ठगी प्रकरणमा हालसम्म ८ जना पक्राउ परेका छन्। गृहमन्त्री थापाका तत्कालीन सुरक्षा सल्लाहकार इन्द्रजित राई र तत्कालीन गृहसचिव तथा हाल उपराष्ट्रपति कार्यालयका सचिव टेक नारायण पाण्डेसहितलाई प्रहरीले पक्राउ गरिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने