काठमाडौं- आन्तरिक द्वन्द्वमा फसेको सुडानमा रहेका नेपालीहरुको उद्धार सुरु भएको छ। परराष्ट्र मन्त्रालयका अनुसार सुडानमा हालै विकसित परिस्थितिमा त्यहाँ रहेका नेपालीहरुको सकुशल उद्धार तथा घर फिर्तीका लागि नेपाल सरकारको निरन्तर प्रयास अन्तर्गत ८ जना नेपाली आजै नेपाल फर्कन लागेका हुन्।
कायरोस्थित नेपाली राजदूतावासको सम्पर्कमा रहेका ३१ जना नेपालीमध्ये पोर्ट सुडान पुगेका १९ जनालाई साउदी अरेबिया सरकारको सहयोगमा पानीजहाजबाट ३० अप्रिल २०२३ मा जेद्दा शहर पुर्याइएको मन्त्रालयले जनाएको छ।
जेद्दा पुगेका १९ जनामध्ये ६ जना नेपाली नागरिकहरु २ मे २०२३ मा रोजगारदाता कम्पनीको प्रबन्धमा दुबईस्थित सोही कम्पनीको शाखामा रहने मन्त्रालयले जनाएको छ। नेपाल फर्कन प्रतिक्षारत १३ जना नेपाली नागरिकमध्ये ८ जना बुधबार एअर अरेबियाको उडानबाट काठमाडौं आइपुग्ने मन्त्रालयले जनाएको छ। बाँकी ५ जना बिहीबार जजिरा एअरवेजको उडानबाट नेपाल फिर्ता आउने तयारी भइरहेको मन्त्रालयले जनाएको छ।
नेपाली राजदूतावास, कायरोसँग सुडानमा सम्पर्कमा रहेका बाँकी ११ जनामध्ये ६ जनालाई पनि पोर्ट सुडानबाट जेद्दा हुँदै उद्धार गर्ने प्रयास जारी रहेको मन्त्रालयको विज्ञप्तिमा उल्लेख छ । बाँकी तीन (३) जना रोजगारदाता कम्पनीको प्रबन्धमा सुरक्षित रुपमा पोर्ट सुडानको होटलमा रहेका र अरु २ जनालाई रोजगारदाता कम्पनीले इजिप्टको सिमानास्थित सुरक्षित स्थानमा राखिएको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
