दिल्लीमा गराएको उपचार खर्च आफैंले व्यहोर्ने राष्ट्रपति पौडेलकाे चाहना

राजनीति

नेपाल लाइभ मंगलबार, वैशाख १९, २०८० १२:४०

काठमाडौं- राष्ट्रपति रामचन्द्र पौडेलले भारतको नयाँदिल्लीमा गएर गरेको उपचारको सम्पूर्ण खर्च आफैले व्यहोर्न चाहेकाे बताएका छन्।

राष्ट्रपतिका प्रेस संयोजक खिला कार्कीले मंगलबार एक वक्तव्य जारी गरी पौडेलको स्वास्थ्यमा समस्या देखिएपछि चिकित्सकहरुको सल्लाहमा दिल्लीस्थित एम्स अस्पतालमा उपचार गराइएको र उक्त उपचार खर्च सरकारको कोषबाट नभई पौडेल आफैंले व्यहोर्न चाहेकाे जनाएका छन्।

यसअघि विशिष्ट व्यक्तिहरुको उपचार खर्च सरकारले व्यहारेको भन्दै आलोचना हुँदै आएको छ। राष्ट्रपति पौडेल पनि दिल्ली उपचारका लागि गएपछि विभिन्न टीकाटिप्पणी भएको थियो। पौडेल दिल्लीमा उपचार सकेर आइतबार राति काठमाडौ फर्केका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले अलोकतान्त्रिक तरिकाले देश चलाउन खोज्यो : श्रेष्ठ

औद्योगिकीकरणको बाटो अङ्गीकार गर्नैपर्छ : अध्यक्ष दाहाल

प्रदेशको बजेट खर्च : छ महिनामा १६ प्रतिशत