लामिछानेलाई नेता चयन गर्न रास्वपा संसदीय दललाई केन्द्रीय समितिको निर्देशन

राजनीति

नेपाल लाइभ सोमबार, वैशाख १८, २०८० १४:५५

काठमाडौं– रवि लामिछानेलाई संसदीय दलको नेता चयन गर्न राष्ट्रिय स्वतन्त्र पार्टीको केन्द्रीय समितिले संसदीय दललाई निर्देशन दिएको छ।

सोमबार पार्टी कार्यालयमा बसेको बैठकले सर्वसम्मत रुपमा लामिछानेलाई नै संसदीय दलको नेता चयन गर्न विधान बमोजिम निर्देशन दिएको महामन्त्री मुकुल ढकालले जानकारी दिए।

'३ बजे संसदीय दलको बैठक बस्दैछ निर्णयलाई अनुमोदन गर्नका लागि', उनले भने।

नागरिकता विवादमा दोषी ठहर भएपछि लामिछानले सांसद पद गुमाएका थिए। त्यससँगै मन्त्री, पार्टी अध्यक्ष र संसदीय दलको नेता जस्ता पद पनि गुमेको थियो। त्यतिबेला डीपी अर्याललाई संसदीय दलको नेता बनाइएको थियो।

वैशाख १० गते भएको उपनिर्वाचनमा लामिछाने पुनः विजयी भएपछि अर्यालले शनिबार संसदीय दलको नेताबाट राजीनामा दिएका थिए।

अर्यालले विषम परिस्थितिमा संसदीय दलको नेतृत्वको रुपमा खेलेको भूमिकाप्रति विशेष धन्यवाद दिइएको ढकालले बताए।

रास्वपाको केन्द्रीय समिति बैठकले विभिन्न विभागहरू गठन, विभागहरूको अध्यावधिक र विभागका नेतृत्व चयन गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रदेशको बजेट खर्च : छ महिनामा १६ प्रतिशत

सत्तामा बसेर ओलीले आफ्नो स्वार्थ पूरा गरिरहेका छन् : माधव नेपाल

प्रहरीलाई प्रधानमन्त्रीले भने- दबाबमा नपरी काम गर्नुहोस्