काठमाडौं– नेकपा एमालेका अध्यक्ष केपी शर्मा ओलीले अहिलेको सरकार सरकारमा किन बसिरहेको छ भन्दै प्रश्न गरेका छन्।
अन्तर्राष्ट्रिय श्रमिक दिवसको अवसरमा सोमबार काठमाडौंमा आयोजित कार्यक्रमलाई सम्बोधन गर्दै ओलीले भने, ‘अहिलेको सरकार सरकारमा किन बसिरहेको छ? जनताले हटाउन सकिरहेका छैनन्, त्यो आफ्नो ठाउँमा छ। तर सरकारमै किन बसिराखेको छ? अच्चम लाग्छ।’
अध्यक्ष ओलीले अहिलेको सरकारले केही पनि गर्न नसकेको आरोप लगाए। सिंहदरबारको फोहोर काठमाडौं महानगरपालिकाले उठाउने नभइ शहरी विकास मन्त्रालयले अन्तै ठेक्का दिएको ओलीले उल्लेख गरे।
‘शहरी विकास मन्त्रालयले सिंहदबारको फोहोर उठाउने ठेक्का अर्कैलाई लगाएको छ। अनि महानगरले उठाउन्न भन्यो। त्यसैले उठाउने नै होइन सरकार भन्न सक्दैन,’ ओलीले भने। उनले फोहोरमाथि राजनीति गर्ने काम भइरहेको आरोप लगाउँदै जनतामाथि पिर मर्का थपेको आरोप लगाए।
उनले सरकार निरिह भएर बसेको आरोप लगाए। उनले सबै मजदुर वर्गहरुलाई जायज माग लिएर अघि बढ्न आग्रह गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
