काठमाडौं– राष्ट्रिय आविस्कार केन्द्रका संस्थापक अध्यक्ष महावीर पुन र सरकारकाबीचमा भएको वार्ता सकारात्मक भएको छ। वार्तापछि पत्रकारसँग कुरा गर्दै पुनले फेरि पाँच बजे बस्ने सहमति भएको जानकारी दिए।
‘प्रधानमन्त्रीको निर्देशनमा १ बजे रक्षामन्त्रीको निमन्त्रणमा हामी आएका थियौं। पाँच बजे टोली गठन गरेर आन्दोलनको माग पूरा गर्ने निर्णय भएको छ,’ उनले भने, ‘छलफल सकारात्मक छ। भोलि कागजमा हुँदा कस्तो होला थाहा छैन।’
उपप्रधान तथा रक्षामन्त्री पूर्णबहादुर खड्का र पुनकाबीचमा सिंहदबारमा पहिलो चरणको वार्ता भएको थियो। ‘वार्ता हुँदा–हुँदै हुदै प्रधानमन्त्रीले दुई पटक फोन गरेर चासो राख्नु भएको थियो,’ उनले भने, ‘आज रातिसम्म बसेरै भए पनि सहमति गर्ने कुरा छ।’
पुन सरकारले अनुसन्धान क्षेत्रमा पर्याप्त बजेट छुट्याउनु पर्ने लगायतका चार बुँदे माग राखेर माइतीघर मण्डलामा धर्ना बसीरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
