गुल्मीको इस्मा क्षेत्र (फाइल तस्बिर)
काठमाडौं– गुल्मीमा पछिल्लो ११ महिनामा ५ हजार भन्दा बढीले गाउँ छाडेका छन्। बसाइँसराइ बढ्दो अवस्थामा छ। जिल्लाबाट गत वर्ष ०७९ वैशाख १ देखि चैत ८ गतेसम्म ११ महिनाको अवधिमा १ हजार ४०१ परिवारका ५ हजार ३४५ जनाले गाउँ छोडेका हुन्।
राष्ट्रिय पञ्जीकरण विभागका अनुसार जिल्लाका १२ पालिकामध्ये सबैभन्दा धेरै मुसिकोट नगरपालिका र सबैभन्दा कम इस्मा गाउँपालिकाबाट बसाइँसराइ गरेका छन्। ९ महिनामा मुसिकोटबाट १७५ परिवारका ७२२ एवम् इस्माबाट ७२ परिवारका २४८ जनाले गाउँ छाडेका छन्।
त्यस्तै, रेसुङ्गा नगरपालिकाबाट १०० परिवारका ३४८, कालीगण्डकी गाउँपालिकाबाट १०४ परिवारका ३९४ जना, गुल्मीदरबार गाउँपालिकाबाट १२२ परिवारका ४८५ जनाले गाउँ छोडेको तथ्याङ्क छ।
सत्यवती गाउँपालिकाबाट १५९ परिवारका ५८१, चन्द्रकोट गाउँपालिकाबाट ११८ परिवारका ४५५, रुरुक्षेत्र गाउँपालिकाबाट ११४ परिवारका ४१४, छत्रकोट गाउँपालिकाबाट १३७ परिवारका ५३१, धुर्कोट गाउँपालिकाबाट १०१ परिवारका ३९१, मदाने गाउँपालिकाबाट १११ परिवारका ४११ जना र मालिका गाउँपालिकाबाट ८७ परिवारका ३३१ जनाले गाउँ छाडेका छन्।
मालिका गाउँपालिकाका अध्यक्ष देवीराम अर्यालले बसाइँसराइ रोक्न पालिकाले शिक्षा, स्वास्थ्य र कृषिमा लगानी गरेको बताए। ‘स्वास्थ्य र शिक्षा राम्रो भएमा नागरिक गाउँ बस्छन्,’ उनले भने, ‘कृषिमार्फत् रोजगारी सिर्जना गर्ने योजना छ।’
अर्यालले रोजगारी सिर्जना र मानिसको अत्यधिक बसाइँसराइ रोक्न भने आफूहरुको कदम पर्याप्त नभएको बताए। यसका लागि अन्तरपालिका समन्वय र सङ्घीय र प्रदेश सरकारले पनि ठोस योजना बनाउनुपर्ने उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773643707.png)
-1746000894.jpg)
-1764146706.png)
