काठमाडौं– दिगो विकासका लागि राष्ट्रिय युवा सञ्जाल नेपालको आयोजनामा चितवनमा आठौं राष्ट्रिय युवा सम्मेलन सम्पन्न भएको छ।
कार्यक्रममा बागमती युवा परिषद्का कार्यकारी उपाध्यक्ष सन्तोष चौलागाईंले युवाहरूलाई संगठित बनाउदै रोजगारी र उद्ध्यमशिलता सँगै जोड्नुपर्ने र यसका लागि प्रयत्न भइरहेको बताए।
कार्यक्रममा टिडिएच प्रतिनिधि मोनि श्रेष्ठले सबैको हातेमालोले युवा र वातावरण मैत्री समाज निर्माण गर्ने सकिने बताए। संस्थाका सल्लाहकार तथा वातावरण अभियन्ता श्याम कृष्ण श्रेष्ठले वैदेशिक रोजगारीमा जानुपर्ने अवस्थाको अन्त्य गर्दै देशलाई युवा बस्नलायक बनाउनुपर्ने बताए।
वातावरणीय अधिकार र जलवायु न्याय एलायन्सका राष्ट्रिय संयोजक अमृत देवकोटाले युवाहरूलाई सामाजिक उद्ध्यमशिलतामा जोड्दै वातावरणीय अधिकार र जलवायु न्यायको क्षेत्रमा क्रियाशिल बनाउनु आजको आवश्यकता रहेको बताए।
३ दिन चितवनमा सम्पन्न सम्मेलनको उद्घाटन वाग्मती प्रदेशकि सामाजिक विकास मन्त्री माननीय कुमारी मोक्तानले गरेकी थिइन्।
चितवन राष्ट्रिय निकुञ्जका प्रमुख संरक्षण अधिकृत दिल बहादुर पुर्जा पुनले युवाहरूलाई स्वागत गर्दै जैविक विविधता संरक्षणमा युवाको भुमिकाबारे प्रस्ट्याए।
युवा नीतिको परिमार्जनको लागि सात वटै प्रदेशबाट आएको युवाबाट सुझाव संकलन गरी राष्ट्रिय युवा परिषद्का बोर्ड सदस्य जगदीश ऐरलाई हस्तान्तरण गरिएको थियो। विभिन्न सत्रमा युवा र सामाजिक उद्यमशीलता, वातावरणीय अधिकार,युवा नेतृत्वलगायतका सवालमा छलफल एवम् अन्तर्क्रिया गरिएको थियो।
कार्यक्रममा देशैभरिबाट ८० भन्दा धेरै युवाको सहभागिता थियो।
तीनदिने राष्ट्रिय युवा सम्मेलनले युवामैत्री शासकीय प्रणाली स्थापना गर्न माग गर्ने, वातावरण संरक्षण सीप प्रबर्द्धन र उद्धमशिलता मैत्री नीति र संरचना स्थानीय तहसम्म विस्तार गर्न माग गर्ने लगायत ११ बुँदे सौराहा युवा घोषणा पत्र जारी गरेको छ।
सन् २०२३ भित्र दक्षिण एसियाली युवा सम्मेलनको तयारी संस्थाले थालिरहेको सञ्जालका महासचिव सन्जिप न्यौपानेले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778155080.jpg)
-1764146706.png)
