स्रोत नखुलेको चार लाख नेपाली र ५९ हजार भारतीय रुपैयाँसहित दुई जना पक्राउ

सुरक्षा/अपराध

नेपाल लाइभ मंगलबार, वैशाख १२, २०८० २०:१३

काठमाडौं– सशस्त्र प्रहरीले स्रोत नखुलेको नेपाली रुपैयाँ चार लाख ३४ हजार ७ सय २० र भारतीय ५९ हजार ६ सय १० रुपैयाँसहित दुई जनालाई नियन्त्रणमा लिएको छ।

उनीहरुलाई सोमबार सुनसरीको कोशी गाउँपालिका–९ स्थित सीमा क्षेत्रबाट नियन्त्रणमा लिइएको हो। पक्राउ पर्नेमा इटहरी उपमहानगरपालिका–१२ का १८ वर्षीय सुरेश लिम्बू र १७ वर्षीय विकाश मण्डल रहेका छन्।

भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल प्रस्तावित सीमा सुरक्षा गुल्म हरिपुर (बिओपी हरिपुर)ले उक्त रुपैयाँसहित नियन्त्रणमा लिएको हो।

नियन्त्रणमा लिइएकालाई बरामद रुपैयाँसहित आवश्यक कारबाहीको लागि राजस्व अनुसन्धान कार्यालय ईटहरीमा बुझाइएको सशस्त्र प्रहरी नायब उपरीक्षक शैलेन्द्र थापाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने