काठमाडौं- गण्डकी प्रदेशमा नयाँ सरकार गठनका लागि आह्वान भएको छ। प्रदेश प्रमुख कार्यालयले मंगलबार विज्ञप्ति जारी गरी नयाँ सरकार गठनका लागि आह्वान गरेको जानकारी गराएको छ।
नयाँ सरकार गठनका लागि वैशाख १४ गते दिउँसो ४ बजेसम्मका लागि समय दिइएको प्रदेश प्रमुख कार्यालयका प्रवक्ता चण्डीप्रसाद अर्यालद्वारा विज्ञप्तिमा भनिएको छ।
यसअघि मुख्यमन्त्री खगराज अधिकारीले दोस्रो पटक प्रस्तुत गरेको विश्वासको मत लिने प्रस्ताव असफल भएको थियो। प्रतिनिधि सभाको शनिबारको बैठकमा भएको मतदानमा उनले विश्वासको मत पाउन नसकेपछि उनी पदमुक्त भएका थिए।
गण्डकी प्रदेशमा कांग्रेस र माओवादी केन्द्र मिलेर सरकार गठनको प्रयत्न गरिरहेका छन्। कसले पहिले सरकारको नेतृत्व गर्ने भनेर चाहिँ टुंगो लागिसकेको छैन।
गण्डकी प्रदेशमा ६० प्रदेश सभा सदस्य छन्। जसमा कांग्रेसका २७ र माओवादी केन्द्रका ८ सदस्य छन्। जुन बहुमत हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
