काठमाडौं– निर्वाचन आयोगले तनहुँ–१ का नेपाली कांग्रेस उम्मेदवार गोविन्द भट्टराईलाई स्पष्टीकरण सोधेको छ।
जिल्ला आचारसंहिता अनुगमन समितिले वैशाख ७ गते राति १२ बजेपछि प्रचार–प्रसार निषेधको अवधि सुरु भइसकेपछि निर्वाचन आचारसंहिता, २०७९ को दफा १७ (ग) प्रतिकूल हुने गरी फोन गरेर मत मागेको घटनाबारे २४ घन्टाभित्र स्पष्टीकरण पेस गर्न निर्देशन दिएको छ।
‘उम्मेदवार भट्टराईले मोबाइल नम्बर ९८८०२९८८०२ बाट भ्वाइस मेसेजमार्फत् मत मागेको सूचना प्राप्त भएको छ,’ आयोगको पत्रमा भनिएको छ, ‘आचारसंहिता प्रतिकूल हुने गरी मत माग्नु भएको हो होइन?’
मुख्य निर्वाचन अधिकृतको कार्यालय, तनहुँ, दमौलीमा आफैं वा प्रतिनिधिमार्फत् उपस्थित भइ २४ घण्टाभित्र स्पष्टीकरण पेस गर्न आयोगले निर्देशन दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
