बारा– मतदान केन्द्रमा मत खसाल्ने बेला नमुना मतपत्र निकालेपछि बारामा तनाव भएको छ। देवताल गाउँपालिका–७ को वडा कार्यालय मतदान केन्द्रमा भोट खसाल्न पुगेका एक ६३ वर्षीय पुरुषले मत खसालिसकेपछि नमुना मतपत्र खल्तीबाट निकालेका थिए।
त्यसपछि उक्त मतदान केन्द्रमा विवाद भएको थियो। पछि प्रहरीले ती व्यक्तिलाई नियन्त्रणमा लिएको हो। बाराका एसपी होविन्द्र बोगटीले पनि नमुना मतपत्र निकालेको पाइएपछि पक्राउ गरिएको नेपाल लाइभलाई जानकारी दिए।
‘मत खसालीसकेपछि खल्तीबाट नमुना मतपत्र निकालेको पाइएपछि एक जनालाई नियन्त्रणमा लिएका छौं’, बोगटीले भने।
नियन्त्रणमा लिइएका व्यक्ति जनता समाजवादी पार्टी (जसपा)का नेता रामसागर यादव रहेको खुलेको छ। उनले किन नमुना मतपत्र निकाले भने खुलिसकेको छैन।
नेपाल आर्मी, नेपाल प्रहरी, सशस्त्र प्रहरी गरी ३ हजार सुरक्षाकर्मी परिचालन गरेर बाराामा उपनिर्वाचन भइरहेको छ। अहिलेसम्म सामान्य रुपमा मतदान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
