काठमाडौं– निर्वाचन आयोगले मधेश प्रदेश सरकारका मुख्यमन्त्री सरोजकुमार यादवलाई आचारसंहिता उल्लंघन गरेको भन्दै स्पष्टीकरण सोधेको छ।
आयोगले उपनिर्वाचनको स्वच्छता, स्वतन्त्रता र निष्पक्षतामा प्रतिकूल असर पर्ने गरी अनुमतिबिना निर्वाचन आचारसंहिताविपरीत कार्य गरेकाले स्पष्टीकरण सोधेको हो।
उनलाई आइतबार बारा–२ मा उपनिर्वाचन भइरहेका बेला निर्वाचनको स्वच्छता, स्वतन्त्रता र निष्पक्षतामा प्रतिकूल असर पर्नेगरी अनुमतिबिना निर्वाचन आचारसंहिता विपरीत हुने गरी के कति कारणबाट पचरौता नगरपालिका क्षेत्रमा गएको भन्दै आयोगले स्पष्टीकरण सोधेको हो।
आयोगले एक विज्ञप्ति जारी गर्दै भनेको छ, ‘तपाईं त्यहाँ जाँदा प्रयोग गरेको सवारी साधन र सुरक्षा व्यवस्था सरकारी हो, होइन ? तपाईंको यो कार्यले पदको गरिमा र निर्वाचन आचारसंहिता, २०७९ को दफा ५ को उल्लंघन हुन्छ, हुँदैन ? निर्वाचन आचारसंहिता उल्लंघन गरेकोमा तपाईंलाई निर्वाचन आयोग ऐन, २०७३ बमोजिम कारवाही किन नगर्ने?’
आयोगले उक्त स्पष्टीकरणको जवाफ २४ घण्टाभित्र आयोगमा पेस गर्न निर्देशनसमेत दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
