काठमाडौं– क्यानडाको टोरन्टो प्रहरी पियर्सनले अन्तर्राष्ट्रिय विमानस्थलमा ठूलो मात्रामा सुन चोरीको घटना भएपछि गम्भीर अनुसन्धान थालेको छ।
यो हवाई अड्डामा ओटारियो प्रान्तबाट निक्लेको सुनलाइ बाहिर पठाउनका लागि प्रयोग गर्ने गरिन्थ्यो।
क्यानडाका अधिकारीहरूका अनुसार सोमबार १७ अप्रिलमा १५ मिलियन अमेरिकी डलर बराबरको सुन चोरी भएको थियो। हवाई जहाजको जुन कन्टेनरमा सुन राखिएको थियो उक्त कन्टेनर साँझ विमानस्थल पुगेको थियो।
त्यसपछि उक्त कन्टेनरलाई कार्लो होल्डिङ्ग क्षेत्रमा ल्याइयो। प्रहरीको प्रारम्भिक अनुमान अनुसार सुन चोरी भएको छ। क्यानडाको इतिहासमा यति ठूलो चोरी इतिहासमा एकमात्र हुनसक्छ।
यसअघि २०११ र २०१२मा भएको ग्रेट क्यानेडियन मैपल सिरपको चोरीको भएको थियो। ठूलो चोरीको घटनामा यसको नाम आउने गर्दछ। तीन हजार टनको सिरपको एक स्टोरी नै चोरी भएको थियो जसको मुल्य करिव १८.७ मिलियन डलर थियो।
पिल क्षेत्रको जिम्मेबारी पाएका प्रहरी इन्स्पिेक्टर स्टीफेन डुइस्टीनले आफ्नो टिमले सबै सुराकी र क्षेत्रहरूमा अध्ययन गरिरहेको बताए। उनले सोमबारको घटनलाई दुर्लभ घटना भएको संज्ञा दिए। उनले यसलाई फरक रुपमा हेरेर अनुसन्धान गर्नुपर्ने बताए।
उनका अनुसार कन्टेनरको आकार करिब पाँच वर्षफिट छ। तर उनले यसको तौल कति थियो बताउन चाहेनन्।
कुन एयरलाइन्सबाट कार्गो आएको थियो र सुन पनि कहाँबाट कसले ल्याएको थियो भन्नेबारे अधिकारीहरूले गोप्य राखेका छन्। त्यस्तै सुन कहाँ लगिँदै थियो भन्ने पनि उनीहरूले खुलाउन चाहेनन्।
द टोरन्टो सनले मंगलबार प्रहरीलाई उल्लेख गर्दै संगठित आपराधिक समूहको यसको पछाडी हात रहेको बताएको छ। तर प्रहरी अधिकारीले अहिले टिप्पणी गर्न हतार हुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
