मोरङमा सहकारी लुटपाट: ३ जना जेल चलान

सुरक्षा/अपराध

नेपाल लाइभ शुक्रबार, वैशाख ८, २०८० १०:२१

काठमाडौं– मोरङको ग्रामथानमा रहेको सौजन्य बचत तथा ऋण सहकारी संस्थामा लुटपाट घटनामा संलग्न रहेका भनिएकामध्ये ३ जना जेल चलान भएका छन्। प्रहरीले पक्राउ गरेका १ जना आरोपी भने धरौटीमा रिहा भएका छन्।

गत चैत २ गते सहकारी संस्थाको कार्यालय रहेको भवनको ढोकाको ताला फोडी, सेफ फुटाएर ७ लाख ७७ हजार रुपैयाँ चोरी भएको थियो। उक्त घटनाको अनुसन्धानको क्रममा प्रहरीले ४ जनालाई पक्राउ गरेको थियो।

प्रहरीले मोरङको ग्रामथान गाउँपालिका–५ बस्ने ४० वर्षीय दिलीप कुमार चौधरी, सोही ठाउँका २९ वर्षीय इरज धामी, सर्लाहीको लालबन्दी–२ पुनरबास टोलका ३५ वर्षीय मिथुन पासवान र सर्लाहीको ईश्वरपुर नगरपालिका–५ नरेशखोर टोलका २६ वर्षीय मिथिलेश महत्तोलाई पक्राउ गरेको थियो।

मोरङ जिल्ला अदालतको बिहीबारको आदेशले ३ जना पुर्पक्षका लागि जेल चलान भएका हुन्। अदालतले दिलीप कुमार चौधरी, इरज धामी र मिथुन पासवानलाई जेल चलानको आदेश दिएको हो। मिथिलेश महत्तो भने २ लाख रुपैयाँ धरौटी बुझाएर रिहा भएका जिल्ला प्रहरी कार्यालय मोरङले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने