गत निर्वाचनमा हामीले ल्याएको परिणाम शान्त विद्रोह थियो : रवि लामिछाने

राजनीति

नेपाल लाइभ बिहीबार, वैशाख ७, २०८० १८:४५

फाइल तस्बिर

काठमाडौं- राष्ट्रिय स्वतन्त्र पार्टीका सभापति तथा चितवन- २ का उम्मेदवार रवि लामिछानेले मंसिर ४ को निर्वाचनमा आफ्नो पार्टीले ल्याएको परिणाम एउटा शान्त विद्रोह भएको विश्लेषण गरेका छन्।

उपनिर्वाचन लक्षित अन्तिम सभामा बिहीबार चितवनमा सम्बोधन गर्दै लामिछानेले त्यतिबेला आफ्नो पार्टीले त्यस किसिमको परिणाम ल्याउँछ भनेर राज्यलाई पनि थाहा नभएको बताए।

‘राज्यलाई थाहा थिएन। शक्ति केन्द्रहरुलाई थाहा थिएन। हेपेका थिए, कहाँ आउँछ र, हद्द भए त्यो एउटा प्युसोले जित्छ भनेका थिए’, उनले भने।

उनले आफूहरुले आगोको झिल्को चितवनमा सल्काएको उनको भनाइ छ। ‘चितवनले चाहेपछि नहुने कुरै थिएन। परिणाम आयो, अहिले राज्यले थाहा पाएको छ’, उनले भने।

अहिले राज्यले थाहा पाएकै कारण पुराना दलहरुको सबै मुद्दा मिलेको र एक दलले अर्कोलाई केही भन्न छाडेको उनले बताए। उनले भने, ‘मात्रै हामीलाई गाली गरिरहेका छन्। हाम्रो आलोचना गरिरहेका छन्।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्राणायामले तनाव र डिप्रेसन घटाउन कसरी काम गर्छ?

मालीमा जिहादी आक्रमणमा ३२ जनाको मृत्यु

थारू सीप र संस्कृतिको प्रवद्र्धन गरौं : सभापति देउवा