लालबन्दी– सर्लाहीको लालबन्दीमा ट्रकले मोटरसाइकलाई ठक्कर दिँदा २ जनाको मृत्यु भएको छ। मोटरसाइकलमा सबार दुई जनाको घटनास्थलमै ज्यान गएको छ। पुर्व-पश्चिम राजमार्गअन्तर्गतको रानीगञ्ज र लालबन्दीको बिचमा पर्ने जंगलमा बिहीबार बिहान करिब ७ बजे भएको दुर्घटना भएको प्रहरीले जानकारी दिएको छ।
पूर्वबाट पश्चिमतर्फ गइरहेको प्रदेस २-०३-००१ ख ८१५ नम्बरको ट्रकले पश्चिमबाट पूर्वतर्फ जाँदै गरेको बा ३३ प ७५१३ नम्बरको मोटरसाइकललाई ठक्कर दिएको थियो।
ट्रकको ठक्करबाट मोटरसाइकलमा सवार २ जनाको मृत्यु भएको हो। मृतकको पहिचान खुल्न नसकेको जिल्ला प्रहरी कार्यालय सर्लाहीका प्रमुख प्रहरी उपरीक्षक (एसपी) नरेश राज सुवेदीले जानकारी दिए।
ठक्कर दिने ट्रक र चालक सुनसरीको इटहरी उपमहानगरपालिका–३ का जितेन्द्र चौधरी लालबन्दी प्रहरीको नियन्त्रणमा रहेको र घटनाको बिषयमा गहन रुपमा अनुसन्धान भइरहेको एसपी सुवेदीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770957149.png)
-1764146706.png)
-1770562345.jpg)
