काठमाडौं- सामुदायिक विद्यालयहरूमा पठन पाठनको गुणस्तर सुधार्न काम गरिरहेको संस्था, टिच फर नेपालले आफ्नो दशौं वार्षिकोत्सव मनाएको छ।
आइतबार राष्ट्रिय सभा गृहमा आयोजित एक कार्यक्रममा टिच फर नेपाल आवद्ध सामुदायिक विद्यालयका विद्यार्थीहरूले गीत, नृत्य तथा आफुहरूले सम्पन्न गरेका विभिन्न परियोजनाहरूबारे जानकारी दिएका थिए।
टिच फर नेपालले कम्तीमा स्नातक उत्तीर्ण गरेका युवाहरूलाई सघन तालिम दिइ विभिन्न जिल्लाहरूमा गणित, विज्ञान तथा अंग्रेजी विषयको शिक्षकको रुपमा पठाउने गरेको छ।
उनीहरूले कम्तीमा दुइ वर्ष अध्यापन गर्दा ती विषयमा विद्यार्थीहरूको शैक्षिक स्तरमा उल्लेख्य सुधार आएको टिच फर नेपालकी सहसंस्थापक तथा प्रमुख कार्यकारी अधिकृत स्वस्तिका श्रेष्ठले बताइन्। उनले सामुदायिक विद्यालयहरूको पठनपाठनमा सुधार मात्रै हैन, समाज रुपान्तरणको नेतृत्व गर्न सक्ने भावी पुस्ता तयार गर्न पनि आफूहरूले काम गरिरहेको बताइन्।
उनले आउँदो दश वर्षमा १०० सामुदायिक विद्यालयमा ३०० जना फेलो (स्वयम्सेवी शिक्षक) हरू पठाएर कम्तीमा २५,००० बालबालिकाको पठनपाठनमा सघाउने टिच फर नेपालले लक्ष्य राखेको पनि जानकारी दिइन्।
टिच फर नेपालले उक्त अवसरमा आफ्ना साझेदार नगर तथा गाउँ पालिकाका प्रमुखहरूलाई सम्मान पनि गरेको थियो। नेपालका झन्डै ८५ प्रतिशत विद्यार्थीहरू सामुदायिक विद्यालयमा पढ्छन।
एक तथ्यांकका अनुसार सन् २००८ मा कक्षा एकमा भर्ना भएका विद्यार्थीहरूमध्ये केवल ५८ प्रतिशत विद्यार्थी मात्रै सन् २०१८ मा दश कक्षामा पुगेका थिए।
टिच फर नेपालले स्थानीय नगरपालिकाहरूसँग गुणस्तरीय शिक्षा प्रदान गर्न सहकार्य गर्नुका साथै सार्वजनिक शिक्षा कसको लागि हो र कस्तो हुनु पर्छ भन्ने विषयमा बहस पनि चलाउँदै आएको छ।
कार्यक्रमको अध्यक्षता गरेका टिच फर नेपाल संचालक समितिका अध्यक्ष किरण नेपालले संस्थाको स्थापना कालदेखि सघाउँदै आएका सबै व्यक्ति तथा संस्थाहरूलाई धन्यवाद दिएका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
